Тактиканинг фан сифатида вазифалари

Avtomobil kolonnasini kuzatib borish uchun vzvod taktik guruhi ajratiladi va uning tarkibiga:

- tank guruhi (tank mina trali bilan);

- bitta ZU-23 qurilmasi (avtomobilda);

- muhandis-sapyorlik bo‘linmasi;

- aviayo‘naltiruvchi va artilleriya korrektirovkachisi;

- kolonnaning avtomashinalari o‘rtasida aloqa ushlash uchun 2-3 ta ko‘chma radiostansiyalar bilan kuchaytirilgan shtatli motoo‘qchi vzvod kiradi.

Vzvod taktik guruhining kuch va vositalari har 10 ta avtomobilga 1ta PJM (ZTR) hisobidan kelib chiqib taqsimlanadi. Qo‘riqlanayotgan kolonnada PJM (ZTR)larni benzin tashuvchi va portlovchi moddalar yuklangan mashinalar orasida joylashuviga yo‘l qo‘yilmaydi.

Vaziyat sharoiti va kuch vositalarning mavjudligiga qarab avtomobil kolonnalarini kuzatib borish uchun kuchaytirish vositalari bo‘lmagan motoo‘qchi gruppalar jalb etilishi ham mumkin. YAkka mashinalarni kuzatib borish uchun kuchaytirilgan motoo‘qchi guruhi ajratilishi mumkin.

Batalonlarning javobgarlik rayonlarida mahalliy ishlab chiqarish, xo‘jalik bazasini, mavjud bino va inshootlarda bo‘linmalarning shaxsiy tarkibini joylashtirish imkoniyatlarini, mavjud yo‘l tarmoqlarini o‘rganish, mahalliy resurslardan qo‘shinlar manfaatlariga mos ravishda foydalanish tartibini xokimiyat organlari bilan kelishish zarur.