Тактиканинг фан сифатида вазифалари

Shaxsiy tarkibning maxsus tayyorgarligi:

- suv ostidan olib o‘tilayotgan tanklar ekipajlarining engil g‘ovvoslik tayyorgarligi;

- tanklarni suv ostida va chuqur kechuvlarda harakatlanishga, suzuvchi mashinalarni esa – suzishga tayyorlash;

- mashinalarni kechib o‘tish vaqtida turli usullar bilan haydash;

- tiqilib qolgan va cho‘kkan mashinalarni evakuatsiya qilish usullari va tartibi;

- kechib o‘tish vaqtidagi xavfsizlik choralarini o‘z ichiga oladi.

Texnik ta’minot bo‘linmalari shaxsiy tarkibi tiqilib qolgan va cho‘kkan mashinalarni evakuatsiya qilish usullari va ularni jangovar shay holatga keltirish usullarini o‘rganadilar.

Moddiy qismdan foydalanib yo‘riqnomalar va amaliy mashg‘ulotlar o‘tkazish ekipajlarni tayyorlashning asosiy uslubi hisoblanadi. Bo‘linmalarda mashg‘ulotlarni vzvodlarning texniklari va batalon komandirlarining qurol-aslaha bo‘yicha o‘rinbosarlari tashkillashtiradilar va o‘tkazadilar.

Ekipajlarni tanklarni suv ostida haydashga o‘rgatish maxsus tayyorgarlikning asosiy elementi hisoblanadi. Tanklarning ekipajlarini o‘qitishni tanklarni suv xavzalaridan o‘tish jixozlari TSXO‘J (OPVT) komplektini (to‘plamini), tanklarni suv ostida harakat uchun tayyorlash bo‘yicha ishlarning hajmini o‘rganishdan boshlash kerak. Tanklarning ekipajlari (mexanik-haydovchilari) mashinalarni suv ostida haydash qoidalarini hamda xavfsizlik choralari va avariya holati kelib chiqqanda tankdan chiqish qoidalarini to‘liq bilishlari kerak.

O‘tkazilgan mashg‘ulotlar natijasida tanklarning ekipajlari va jangovar mashinalarning haydovchilari daryodan turli usullar bilan o‘tish (kechib o‘tish) uchun mashinalarni tayyorlash va ularni haydash bo‘yicha amaliy ko‘nikmalar hosil qilishi kerak.

Vaqt etarli bo‘lsa vzvodlarning texniklari shaxsiy tarkibdan xavfsizlik choralari va avariya holati kelib chiqqanda ekipajni evakuatsiya qilish qoidalari bo‘yicha sinov qabul qiladilar.

QEX tarkibiga tayinlanishi ko‘zda tutilgan, harbiy qismning ta’mirlash vzvodining va batalonlarning TXS, ESlarining shaxsiy tarkibi kechib o‘tishga ta’mirlash vzvodining komandiri va batalon komandirining qurol-aslaha bo‘yicha o‘rinbosari o‘tkazadigan mashg‘ulotlarda tayyorlanadi.