Тактиканинг фан сифатида вазифалари

Maydonni o‘lchash
Kartada joyning maydonini o‘lchash chizma, mexanik va tahliliy usullarda yoki bir necha usulning umumlashmasi asosida bajariladi.

Maydon o‘lchamini taxminiy baholash ko‘z bilan kartaning kilometrli to‘r kataklarini sanab, hisoblash orqali amalga oshiriladi. 1:25 000 va 1:50 000 masshtabli kartalardagi bir katak joydagi 1 km², 1:100 000 masshtabli kartada 4 km², 1:200 000 masshtabli kartada 16 km² ni tashkil etadi.

Katta hudud maydonini kartada o‘lchash chizma usul bilan shu maydonni geometrik shakllarga (uchburchak, to‘g‘ri to‘rtburchak, kvadrat, trapetsiya) bo‘lgan holda yoki paletkalar yordamida amalga oshiriladi. CHizma usul bilan aniqlashda maydonni geometrik shakllarga shunday bo‘lish kerakki, bo‘lingan maydon tomonlari geometrik shakl tomonlariga taxminan mos kelishi kerak (31-rasm).

Bo‘lingan shakl uzunligi va eni chizg‘ichda o‘lchanib, bizga ma’lum geometrik formulalar orqali shakl yuzasining maydoni hisoblab chiqiladi.