Taksilarda tashishni nozimlik boshqaruvi

III. TEXNOLOGIK QISM
3.1 Nozimlik kundalik hisobotining tahlili
Har kuni ish tugaganidan keyin nozimlar kundalik hisobot yozadilar. Bu hisobotlar natijasida avtomobillarning ishi tahlil qilinadi, qo‘yilgan kamchiliklar va ularning sabablari aniqlanadi.
Nozimlar kundalik hisobotidan quyidagilar aniqlanadi:
— yo‘nalish nozimining hisobotidan aniqlanadigan ma'lu- motlar;
— yo‘nalish nozimining ishga kelgan vaqti;
— parkdan boshlang‘ich bekatgacha yurilgan vaqt (nollik yurish vaqti);
— qatnov vaqti;
— oxirgi bekatlarda avtomobillarning to‘xtab turgan vaqti;
— bajarilgan qatnovlar soni;
— reja bo‘yicha va amalda avtomobillarning ishni boshlagan va tugatgan vaqti;
— bekatga belgilangan vaqtdan kechikib kelgan avtomobillar soni (agar avtomobil 5 daqiqadan ortiq kechikib kelsa, kechikib kelish hisoblanadi);
— avtomobilning kechikib kelishi oqibatida bajarilmay qolgan qatnovlar soni;
— avtomobillarning har qatnovda amalda bekatga kelgan va undan ketgan vaqti;
— haydovchilarning tushlikka va dam olishga chiqqan vaqtlari;
— biron-bir sabab bilan avtomobil parkka qaytsa, uning qaytgan vaqti va sababi;
— avtomobil yo‘nalishdan chiqib ketsa, uning chiqib ket- ganligi to‘g‘risida MNXning ogohlantirilgan vaqti;
— qatnovdan chiqib ketgan avtomobil parkdan qaytib kelib, ishini davom ettirsa, uning ishni boshlagan vaqti;
— agar avtomobillardan birontasi naryad bo‘yicha ishlash uchun yo‘nalishdan olinsa, u to‘g‘risidagi ma'lumotlar;
— chipta-hisob varaqasini tahlil qilish.
Chipta-hisob varaqasi haydovchining yo‘nalishdagi kunlik ishining hisobini oluvchi hujjat hisoblanib, unda barcha bajarilgan qatnovlar qayd qilinadi. Chipta-hisob varaqasi qat'iy hisobda turadigan hujjat sanaladi, unga o‘zgartirishlar kiritish yoki tuzatishlar kiritishga ruxsat etilmaydi.
Chipta-hisob varaqasiga avtomobilning nozimxonaga yetib kelgan vaqti qayd etiladi. Bundan tashqari, unga yo‘nalishi, jadvali, avtomobilning garaj raqamlari va qatnov vaqtlari yozib qo‘yiladi.
Chipta-hisob varaqasida yo‘l qo‘yilgan barcha qoida- buzarliklar (kechikishlar, avtomobilning belgilangan vaqtdan bekatga oldin kelishi va hokazo) qayd qilinadi.
Har qatnovda va butun ish kuni davomida sotilgan chiptalar soni va boshqa belgilar ham chipta-hisob varaqasida qayd etib qo‘yiladi.
Yo‘nalish nozimi ishdagi avtomobillar sonining hisobini olib boradi va shu haqda MNXga soat 6:00, 7:00, 8:00, 14:00, 17:00, 19:00, 21:00 va 23:00 da hisob berib boradi.