Тайфи розовый нави

ТАЙФИ РОЗОВЫЙ нави
Саудия Арабистонида яратилган. 1959 йилдан Республика бўйича Давлат реестрига киритилган. Бу нав кечпишар бўлиб, тупи катта, кўп зангли, елпиғичсимон таралади, шўрга ва совуққа чидамли. Узум бошлари кенг конуссимон. Меваси пишиб етилганда пушти ранг, карсиллайдиган бўлади. Таъми анор мазали ва бироз тахирроқ бўлади. Мевасининг ўртача вазни - 390 г. Ғужуми йирик, узунчоқ-цилиндрсимон, эти гўштли, сершира, қуврoк. Мевасининг пишган вақтидаги таъм баҳоси – 8,8 балл, куртак ёзилишидан меваси пишгунгача бўлган давр 155 кундан иборат. Касалликка ўртача чидамли. Техник пишиб етилганида октябрь ойида кандлилиги 22-24% ни, кислоталилиги 4-4,5 г/л ни ташкил этади. Ташишга ўта чидамли, яхши сақланади. Консерва маҳсулотлари (маринад, мураббо, шарбат, жем) ва шароб тайёрлашда фойдаланса бўлади. Ҳосилдорлиги - 184,8 ц/га, энг юқори ҳосилдорлиги 374,4 ц/га ни ташкил этади.
РИЗАМАТ нави.
Академик М.Мирзаев номли боғдорчилик, узумчилик ва виночилик илмий-тадқиқот институтининг Самарқанд илмий-тажриба станциясида яратилган. Муаллифлар: К.В. Смирнов, Г.В. Огиенко, А.Ф. Герасимова. 2006 йилдан Республика бўйича Давлат реестрига киритилган. Юқори сифатли, истеъмол ва қайта ишлаш учун мўлжалланган. Эрта-ўртапишар нав, касалликларга бардошли. Тупи ўртача, узум шингили йирик, ўртача вазни - 350-400 г. Шингили цилиндрсимон шаклда, ранги пушти, йирик ҳамда эти қаттиқ, карсиллаш хусусиятига эга, таъм баҳоси – 5 балл. Меваси июль ойининг 20-кунида тўлиқ пишиб, етилади. Ҳосилдорлиги 200-250 ц/га ни ташкил этади.