Тайёрлов гуруҳи учун ҳафталик машғулотлар жадвали

Дидактик ўйин «Кайфиятлар» 
(ўйин 3-4 марта ўтказилади) 
М.Р.: ўтган машғулотимизда қайси қўшиқни ўрганишни бошлаган эдик? (жавоблар) 
Тўғри, М.Дадабоевнинг «Онажоним» қўшиғини. Қўшиқ куйлашдан аввал нима 
қилиш керак? (жавоб) Тўғри овозимизни созлаб олишимиз керак. Келинг сизлар 
билан машғулотларимиз давомида танишиб олган еттита асосий ноталаримизни 
номларини куйга солиб, овозимизни созлаб оламиз.
Овоз созлаш машқи. 

---

12 
М.Р.: ҳозир мен билан биргаликда «Онажоним» қўшиғининг 1-қаторини ва 
нақоратини куйлаб, эслаб оламиз 
Қўшиқ «Онажоним» М.Дадабоев мусиқаси 
М.Р.: ўтган машғулотимизда қўшиқнинг 2-қаторини тарбиячи опангиз билан 
биргаликда ўрганиб келиш вазифаси берилган эди. Менга ва тарбиячи опангизга 
қулоқ тутган ҳолда биргаликда 2 – қаторни куйлаймиз.(турли усуллар ёрдамида 
қўшиқ мустаҳкамланади). 
М.Р.: Болалар, келинг сиз билан «Бойланди» ўйинини ўтказамиз! 
Ҳаракатли ўйин «Бойланди» 
(ўйин 3-4 марта ўтказилади). 
Тарбиячи болаларга ўйинчоқ чолғулар – шиқилдоқчалар, доирача ва бубенлар, 
қўнғироқчаларни тарқатади.
Болалар чолғуларида чалиш 
Зарбли оркестр 
«Яллама ёрим» ўзбек халқ куйи 
Мусиқа раҳбари куйни чалиб эшиттиради. Олдиндан тайёрлаб қўйилган куйнинг 
ритмик усули тасвирланган плакатни кўрсатади ва унда акс эттирилган усулни ўзи 
чапак орқали ифодалайди. Сўнг болалар билан биргаликда ифодалайдилар. Алоҳида 
болаларга ритмик усулни ифодалаб кўришни таклиф қилади. Бир неча такрорлашдан 
сўнг мусиқа раҳбари ижросида янграётган куйга болалар жўр бўладилар. Усулни 
ўзлаштиришлари ва эслаб қолишлари учун, болаларни кичик гуруҳларга бўлиб, 
мусобақа тарзида ижро этишни ташкил қилади. Гуруҳ хонасидаги мавжуд зарбли 
ўйинчоқ чолғуларда ушбу усулни мустақил ижро этиб кўришларини вазифа қилиб 
беради. 
Шундан сўнг болалар кўтаринки кайфиятдаги мусиқа остида гуруҳ хоналарига йўл 
оладилар.