Тайёрлаш ва уларнинг малакасини оширишни ташкил этиш бош илмий методик маркази

 
 
12-амалий машғулот: 
Бионика фани ва унинг ютуқлари. 
Ишдан мақсад: 
Бионика фани ва унинг ютуқлари ҳақида маълумотлар 
бериш. 
Бажарилиши лозим: 
Бионика фани янгиликларига ва уларнинг 
яратилиш заминини тушунтириш. 
Ишни бажариш учун намуна: 
Ҳаётдаги кашфиётларнинг кўпчилиги 
табиатдан олинганлигини мисоллар тариқасида ва презентация тарзида 
изоҳланади.
 
Бионика табиат ва техника фанлариниг интеграциялашувидан ҳосил 
бўлган.Нима сабабдан одамлар қуш каби уча олмайдилар? Мазкур савол 

---

199 
инсониятни узоқдаврлардан бери қизиқтириб келади. Шу сабаб бўлса керак, 
инсонлар эндигина техникани ўзлаштираётган пайтларданок қушлардай парвоз 
килиш имконини берадиган ускуналар яратиш ҳаракатларини бошлаганлар. 
Мозий усталари даставвал қушларнинг канотларига ўхшаш бирор нарса ясалса 
бўлгани, шундан сўнг осонлик билан бир худуддан иккинчисига кўчиб юриш 
мумкин, деган фикрда эдилар.Аммо, таассуфки, ҳар бир ишнинг ўзига яраша 
мураккабликлари бор, хатто энг осон кўринганининг хам. Шу боис ўтмиш 
олимларининг саьй-ҳаракатлари амалда улар ўйлаганчалик муваффакиятли 
кечмаган. Илм-фанда тирик жонзотлар, хусусан, ҳайвонлар ва қушларнинг 
ўзига хос қобилиятларини намоён этувчи махсус механизмлар эволюция 
жараёнида миллион йиллар давомидашаклланиб келган, дейилади. Табиий 
танлов йўли оркали эса бошқаларга нисбатан яхширок учган, сузган ёки 
судралиб юрган жонзотлар омон колганлиги барчамизга биология хамда 
умумий тарих дарсларидан маьлум. Шу тариқа аста-секинлик билан табиатда 
ушбу функцияларни амалга оширишга каратилган жуда самарали мосламалар 
ва механизмлар вужудга келди. Тахлил этиш хамда амалда синаб кўриш 
усулларининг 
етарлича 
такомиллашмагани 
сабаб 
ҳайвонот 
олами 
вакилларининг мазкур "сир"лари узоқ-узоқ вактгача инсонлар учун жумбок 
бўлиб колаверди. Даврлар ўтгани сари бу сирлардан воқиф бўлишга интилган 
катор муҳандис ва лойиҳачилар инсонлар хаётини енгиллаштирувчи турфа хил 
мосламаларни яратишга эришди. Айни пайтда биолог олимлар тирик 
жонзотларни ўрганишда оламшумул кашфиётларни амалга ошираётганидан 
кўпчиликнинг хабари бор. Бу икки соҳа мутахассислари бир-бири билан айро 
тарзда фаолият юритишса ҳам, баьзан мухандислар жонли тизимларда ишлаб 
турган принцип ва механизмларни ўз лойихаларига татбик этишнинг уддасидан 
чиқишган. Енг кулай хамда самарали йўлларни излаш натижасида 
тадқиқотчилар минглаб асрлар олдин табиат томонидан "яратилган" намуналар 
ва чизмаларни ҳосил килдилар. Мазкур кашфиётдан сўнг кўр-кўрона 
ишлашнинг бефойда экани маьлум бўлди ва лойиҳачилар ҳайвонот оламини 
чуқурроқ ўрганишга киришдилар. Ана шунда мавжуд технологиялардан 

---

200 
фойдаланган холда олимлар тирик организмлар тизимидаги тузилмалар ва 
механизмларни тўлақонли тадқиқ этиш хамда улар асосида намуналар яратиш 
имконига эга бўлишди. Тирик организмларнинг фаолият юритиш тизимларини 
ўрганувчи ва аниқланган иш принципларини техника воситаларида 
қўллайдиган фан эса бионика номини олди.Science.com электрон саҳифаси 
маьлумотларига таянган холда айтиш мумкинки, ушбу атамааслида юнонча 
"бион" сўзидан олинган бўлиб, у "ҳаёт бирлиги" ёки "унсури" сифатида 
таьрифланади. Хуллас, бионика биология хамда техникани уйғунлаштирадиган 
фан бўлиб, бунда мухандислик масалаларига организмлар структураси ва 
ҳаётий фаолиятининг таҳлили асосида ечим изланади. Бионика, шунингдек, 
физика, кимё, кибернетика ва мухандислик фанлари, яьни электроника, 
навигация, алока, денгиз илми билан ҳам чамбарчас боғлиқ. Жонли табиат 
борасидаги билимлардан мухандислик масалаларини хал этишда фойдаланиш 
фикри аслида Леонардо да Винчига тегишли деб хисобланади. Боиси, кўп 
асрлар илгари мутафаккир қушлар каби канот кокадиган учиш аппарати - 
орнитоптерни яратишга уринган. Кейинчалик тирик организмлар ва техник 
машиналардаги бошқариш, алока килишнинг умумий тамойилларини 
ўрганувчи кибернетика сохаси вужудга келди. Бу эса ўз навбатида жонли 
тизимлар билан техника ўртасидаги умумийликни аниклашга, тирик 
организмлар тўғрисида олинган билимлар янги асбоб-ускуна, механизм, 
материал ва бошқаларни яратишга туртки бўлди. Ушбу янги фан "туғилган" 
расмий сана сифатида эса 1960 йил кўрсатилади. Негаки, айнан ўшанда 
АҚШнинг Дайтон шахрида бионика бўйича илк симпозиум ўтказилган. Шартли 
равишда 
бионикада 
бир 
канча 
йўналишларни 
белгилаш 
мумкин. 
Мутахассисларнинг бир кисми ҳайвонот оламидаги механизмларни ўрганиш, 
улардан "нусха олиш" ва амалда қўллаш борасида изланишлар олиб боради. 
Тиббий бионика бўлса, янада мукаммал протезлар, инсонларга кўриш ёки 
эшитиш каби кобилиятларни қайтариш имконини берадиган қурилмаларни 
яратишга йўналтирилган.Бионикада уй ҳайвонларининг ижтимоий феьл-
атворини ўрганувчи яна бир мутлақо алохида соҳа ҳам бўлиб, уни баьзи 

---

201 
мутахассислар мазкур фанга алокадор эмас, деб таькидлашади. Бироқ ушбу 
йўналишда изланишлар олиб бораётган тадқиқотчилар флора олами вакиллари, 
масалан, чумоли ёки ари оилалари хаётини тартибга солиб турувчи 
конуниятлардан 
истикболда 
инсонлар 
жамиятида 
хам 
фойдаланиш 
мумкинлигини инкор этмаяптилар.Ушбу фикрнинг исботи сифатида бир 
мисолни келтириб ўтиш жоиз. Рсу.еду сайтида келтирилган маьлумотларга 
караганда, якиндагина немис энтомологлари чумолилар қай тарзда ўз уясига 
якинлашганда бир-бирларига урилмай, тирбандлик ҳосил килмаслигини 
аниклашга муваффак бўлишди. Бунда ушбу жонзотлар мазкур усулдан онгли 
ёки онгсиз равишда фойдаланиши хали маьлум эмас. Шунга карамай, олмон 
олимлари келгусида худди шу йўл билан шаҳар магистралларида юзага 
келадиган автоуловлар тирбандлиги ҳолатининг олдини олишга эришиш 
мумкин, деган фикрда. Фаннинг бошқа бир йўналиши хам бор: бунда ин 
силиcо, яьни силикон моддасидан жисмлар яратган холда батамом ўзгача 
эволюцияга асос солишга интилиш сезилади. Гарчи Ҳозиргача бу йўналишда 
иш олиб бораётган олимлар кутилганчалик оламшумул ютукларга эришмаган 
бўлса-да, бугунги кунда улар эволюцияни моделлаштиришнинг бир канча 
усуллари (вазифаси инсонлар оғирини йенгиллаштириш бўлган роботлар)ни 
яратиш кабиларга эришишга муваффақ бўлмокда. Умуман олганда, энг кўп 
амалий самарадорлик кузатилаётган тиббиёт бионикаси асосан инсон 
организмида мавжуд бўлган тизимларни ўрганишга тобора ихтисослашяпти. 
Шу билан бир каторда бошқа тирик организмлар системаларини ўрганиш ва 
уларда кузатилган хаётий мезонларни техника сохасига жорий этишга 
қаратилган кенг кўламли ишлар ҳам амалга оширилмокда. Бионик кашфиётга 
энг оддий мисол бу кийим, нарсалардаги кисмларни бир-бирига 
улайдиганилгак ёки туғмадир. Иккита ёпишқоқ кисм биттасида ўта кичик 
илмоклар, бошқасида эса майда халқачалар борлиги сабаб бир-бирига 
мустахкам бирлаштирилади. Аслида бу "ёпишқоқ" илгак бионика атамаси 
пайдо бўлишидан анча олдин швейцариялик мухандис Жорж де Местрал 
томонидан ихтиро килинган. У сайрдан сўнг кучуги юнгини тозалаётганда 

---

202 
жониворнинг терисига махкам ёпишиб колган чакамуғ (сарикчой) 
тиканакларига эьтиборини каратади. Шундан сўнг мутахассис тиканакларнинг 
тузилишини микроскоп ёрдамида ўрганиб чикиб, худди шу тамойил асосида 
ишлайдиган илгак (кистиргич тугма)ни кашф этган. Wikepedia.org сайтида 
айтилишича, кейинчалик олимлар шунга ўхшаш махкамлаш усулини 
қушларнинг патларида кузатишган.Шу билан бирга, табиатда "ёпишқоқ" 
сиртларнинг бундан-да мустахкам намуналари мавжуд. Геккон деб 
номланувчи кичкина калтакесак вертикал юзаларда бемалол туриши, хатто 
бирон-бир кийинчиликсиз ҳаракатланиши мумкин. Унинг панжалари сиртга 
каттик ёпишиб, сирпаниб кетмайди. Айни пайтда бу жонзот танасини юкорига 
караб тортганда хеч кийналмай, уни сиртдан ажрата олади. Тадқиқотчилар 
геккон панжаларини ўрганаётганда ундаги ажабтовур хусусиятларнинг сабаби 
пастки кафтлардаги кўплаб майда тукчаларда эканлигини аниклашди. Улар 
сиртга нисбатан тўғри бурчак остида бўлганида тананинг каттик жисмга тегиб 
турган кисми у даражада катта бўлмайди. Бу калтакесак панжаларини осонлик 
билан юзадан ажратиб олиб ҳаракатланишига ёрдам беради. Бурчак ўзгарганда 
эса тананинг Мнисбатан каттарок кисми юзага тегади, натижада сиртга 
махкамрок ёпишади. 
Infuture.comсайтида, тадқиқотчилар нанонайчалардан фойдаланган 
ҳолда геккон панжаларикафти тузилишини ҳосил қилишга муваффақ бўлди, 
дейилади. Лекин дастлаб улар аслидагидек мустахкам "ёпишиш" самарасига 
эришолмадилар. Кейинчалик калтакесак панжаларини чуқурроқ тадкик этиш 
туфайли кафтларидаги тукчалар тармокланиб кетганлиги сиртга янада каттик 
ёпишиш имконини беришини аниқладилар. Шунда олимлар суньий 
панжалардаги 
оддий 
нанонайчаларни 
тармокланадиган 
турдагисига 
алмаштириб, гекконнинг сиртга тирмашиш хусусиятидан ҳам кучлирок 
натижага эришдилар. Тирик организмларнинг яна бир синфи борки, бионика 
мутахассисларини анчадан буён қизиқтириб келмокда. Бу - хашаротлар. Гарчи 
кўринишидан бироз ғайритабиий бўлса-да, улар умурткасизлар орасидаги энг 
мукаммал жонзотлар сифатида эьтироф этилади, дейилади биониcанеwс.орг 

---

203 
манбасида. Негаки, мазкур синфга мансуб турфа хил жонзотларда 
умргузаронлик килиш учун ўта самарали "мосламалар" шаклланган. Уларга, 
хусусан, кўз тизимини киритиш мумкин. Аникланишича, хашаротлар фасет, 
яьни бир канча содда кўзлар йиғиндисидан иборат шаклдаги кўриш органига 
эга. Ҳар битта кўзча оркали "олинган" маьлумотлар эса мияда бир бутун 
манзарани ҳосил килади.
Пашшанинг фасет кўзларини ўрганиш у ўзига нисбатан анча жадал 
ҳаракатланаётган обьектларнинг тезлигини хам ўта аниклик билан пайкаш 
кобилиятига эгалигини кўрсатди. Чунки бунда предметнинг тасвири бирин-
кетин ҳар бир фасет кўзчалардан "йиғиб" олинади ва мазкур маьлумотлар 
махсус рецепторларга узатилади. Окибатда, алохида-алохида тасвирлар 
туркуми ҳосил бўлади. Мухандислар пашша кўзларининг бундай ишлаш 
принципи асосида парвоздаги самолётларнинг тезлигини киска муддатда 
аниклайдиган детектор асбобини яратдилар. Бу ускуна техника оламида 
"пашша кўзи" номини олган. Bionisawоrld.cом электрон сахифасида 
айтилишича, бионикадаги мўжизалардан бири сифатида Делфлай ((DelFly))ни 
кўрсатиш зарур. Аслида бу митти самолёт (MicroAirVehicle - MAV) бўлиб, у 
қуш ёки хашарот каби икки жуфт канот ёрдамида парвоз килади. Бионик 
Делфлай нафакат горизонтал парвозни амалга оширади, балки бир жойда 
тўхтаб ҳавода муаллақ туриши хам мумкин. Тез ва секин парвознинг айнан шу 
каби уйғунлашуви ускунанинг ўзига хослигини таьминлайди. Шу билан бирга, 
Делфлайга камера хам ўрнатилган. Унинг ёрдамида парвоз амалга 
оширилаётган худуд манзараси секин парвоз пайтида аник тасвирга олинади.
Делфлай 
ихтирочилари 
Делфт 
техника 
университети 
аерокосмика 
факултетининг 11 нафар талабаси ва уларнинг илмий рахбарларидир. Жорий 
йил 
Германияда 
ўтказилган 
бионика 
бўйича 
МАV 
(MultypleApplyingofBionicDevices) халқаро танловда ушбу лойиха энг ноёб деб 
топилиб, унинг намойиш этилган парвозлари илм аҳлини бефарқ колдирмади. 
Юкорида келтирилган мисоллар "хамир учидан патир", холос. Аслида бугунга 
келиб бионикада бу каби ютуклар эьтирофга арзигулик равишда кўп микдорда. 

---

204 
Тўғри, Ҳозирча "механик ҳайвонлар" табиий нусхаларидек мукаммал эмас, 
бирок кашфиётчилар камчиликлар якин келажакда бартараф этилишига умид 
қилишмоқда. Маьлумки, биониканинг энг содик тарафдорлари - бу робот 
яратувчи мухандислар. Ҳозирда улар орасида келажакда роботлар имкон кадар 
инсонларга ўхшаш бўлсагина, юқори даражада самара бериши мумкин, деган 
карашга эга. Бундай фикрга келишнинг бир сабаби бор: лойихачи биониклар 
яратилажак "темир одам"лар инсонлар муҳитидаги зина, эшик ва шу каби 
маълум тўсиқлар билан ҳаракатланиши талабидан келиб чикишмоқда. Шу боис 
улар одамларга ҳажман ва ҳаракатланиш тамойилларига мос бўлишлари зарур. 
Парвардигор мукаммал қилиб яратган инсоннинг тана қисмлари ҳам 
тадқиқотчилар эьтиборини тортган. Ҳозиргача рус олими А. Кобринский 
бошчилигидаги бир гуруҳ мутахассислар инсон қўли тузилмасини батафсил 
ўрганиб чиқиб, унга максимал даражада монанд бўладиган механизм яратишга 
доир қатор ишлари билан жамоатчилик назарига тушган. "Вашингтон Пост" 
газетасида эса Чикаго тиббий тадқиқотлар институти олимлари бионик қўл, 
аниқроғи, ясама тана қисми (протез)ни яратишга муваффақ бўлгани ҳақида 
мақола чоп этилди. Этиборлиси, бундай қўлни инсон мия оркали бошқариш 
билан бирга унинг ёрдамида баъзи сезгиларни хис эта олиши ҳам мумкин. Илк 
бионик қўл соҳибаси АҚШ денгиз флотида ҳизмат қилган Клаудиа Митчелл 
бўлди. 2005 йили халокатга учраган америкалик ҳарбий аёлнинг чап қўли 
елкасигача ампутация қилинганди. Муваффақиятли якунлаган лойиҳа 
натижасида аввалига Митчелл зарур ҳаракатни амалга оширмоқчи бўлганида -
суньий қўлни фикран буйруқ бериш орқали бошқарди. Бирок олимлар ўз 
изланишларидан тўхтаб қолмай, ясама қўл ёрдамида бирон-бир нарсани 
сезишга эришишни навбатдаги мақсад сифатида белгиладилар. Улар 
ампутациядан сўнг фаолияти тўхтаб қолган асаб томирларини жароҳатланган 
елка қисмидан кўкрак қисмидаги мушакларга кўчиришди. Шундан сўнг 
тананинг бу қисмига бионик қўлдан сигналлар кела бошлади. Бошқача қилиб 
айтганда, Клаудиа Митчелл соғлом қўли каби бионик қўли ёрдамида ҳам сезиш 
хусусиятига эга бўлди. Енди у қайноқ чой ёки музга суньий қўлини теккизганда 

---

205 
иссиклик ва совукликни хис қилади. Юқорида тилга олинган ишлаш 
тамойиллари инсон томонидан катта-катта масофаларда бошқариладиган 
қурилмаларни яратиш учун ҳам асос қилиб олиниши мумкин. Мисол учун, 
бошқарувчи оператор радиация даражаси юқори бўлганлиги сабаб кириш 
такикланган бинолар, ғоввослар етолмайдиган сув ости чуқурликлари ёки 
инсон қадам босмаган самовий кенгликларда масофадан туриб турли 
тадбирларни амалга ошириш имконига эга бўлади. Бугун илм-фан ва техника 
дунёсида юз бераётган жараёнларни кузатиб, тадқиқотчилар тобора кўпроқ 
самарали ва муҳими, салмоқли натижаларга эришаётганига гувох бўлмоқдамиз. 
Бионика ҳам бундан мустасно эмас. Аста-секинлик билан олимлар табиий 
равишда шаклланган механизмларни "нусхалаш" борасида илдамлаётганлиги 
кузатиляпти. Айни пайтда аслига монанд намуналарни яратиш ҳақида 
гапиришга ҳали эрта. Қолаверса, инсон мияси ҳамон жумбоқларга тўлалик 
хусусиятини сақлаб турибди. Шунга қарамай, бионик олимлар келгусида тирик 
жонзотлар тизимидаги кўплаб механизмларнинг ишлаш принципларини 
ўрганиб, улар ёрдамида инсонлар ҳаётини осон ва қулай қилишига умид 
боғлашмокда. Фақат мутахассислар янги фаннинг асосий мақсадларидан бири - 
табиатда мавжуд бўлмаган мутлақо ўзгача бионик қурилмаларни яратишнинг 
уддасидан чиқадиларми, йўқми, деган савол ҳозирча жавобсиз қолмоқда. 
 
Сиз тирик табиатга боғлиқ бўлган, тирик организмлардан андоза олган 
қандай ихтироларни биласиз? 

---

206