Tadqiqotlari

 
 
15.2. Hisobot va taqdimot muhimligi 
Hisobot  va  uni  taqdim  etish  –  marketing  tadqiqotlari  loyihasining  eng  muhim 
qismidir. 
1.Ular  bajarilgan  ishlarning  sezilarli  natijasi  hisoblanadi.  loyiha  yakunlangach 
va  rahbariyat  qaror  qabul  qilgach,  yozma  hisobotni  istisno  qilganda  marketing 
tadqiqotini  hujjatlar  bilan  tasdiqlashning  boshqa  bir  yo‘li  yo‘q.  U  bajarilgan 
loyihaning amaldagi guvohligidir. 
2.Kompaniya  menejmenti  qaror  qabul  qilishda  hisobot  va  taqdimotga  amal 
qiladi. agar  marketing tadqiqoti  loyihasining birinchi besh bosqichi puxta bajarilgan, 
oltinchisiga  yetarlicha  e’tibor  qaratilmagan  bo‘lsa,  loyihaning  buyurtmachi  uchun 
qimmati keskin pasayadi. 
3.Ko‘plab  holatlarda  buyurtmachi  kompaniyaning  menejer-marketologlari 
loyihadagi o‘z ishtirokini yozma hisobot va og‘zaki taqdimot bilan chegaralaydi. Ular 
loyihaning ish sifatini hisobot va taqdimot bo‘yicha baholaydi. 
4.Menejmentning  kelajakda  marketing  tadqiqoti  o‘tkazish  yoki  takroriy 
tadqiqot  o‘tkazish  uchun  muayyan  firma  bilan  hamkorlikni  davom  ettirish  haqida 
qaroriga hisobot va taqdimot foydaliligini idrok qilish ta’sir ko‘rsatadi.