Тадбиркорлик (бизнес) ҲУҚУҚИ

1.2.
 
Тадбиркорлик ҳуқуқининг тушунчаси, предмети ва 
принциплари 
Мамлакатимиз раҳбари И.Каримов қайд этганидек 
“...Соҳа ривожи 
учун 
мустаҳкам 
қонунчилик 
ва 
ҳуқуқий 
база 
шакллантирилгани 
ва 
мунтазам 
такомиллаштирилиб 
борилаётгани, бизнес учун имтиёз ва преференциялар бериш, 
ишлаб чиқаришни техник ва технологик қайта жиҳозлаш ҳамда 
модернизация қилиш масалаларида давлат томонидан тизимли 
равишда ёрдам кўрсатилаётганлигини таъкидлаш лозим”
. 
(Каримов И.А. “Ўзбекистонда ижтимоий-иқтисодий сиёсатни амалга оширишда кичик 
бизнес ва хусусий тадбиркорликнинг роли ва аҳамияти” халқаро конференциядаги 
маърузаси. //Халқ сўзи, 2012 йил 15 сентябрь). 

---

I БОБ. Тадбиркорлик (бизнес) ҳуқуқи алоҳида ҳуқуқ соҳаси 
22 
Тадбиркорлик ҳуқуқи 
– тадбиркорлик субъектлари ўртасидаги 
тадбиркорлик фаолияти билан боғлиқ муносабатларни тартибга 
солувчи ва у билан боғлиқ 
иқтисодиётга раҳбарлик қилиш 
муносабатларда давлатнинг 
чора-тадбирларини белгиловчи 
ҳуқуқий қоидалар йиғиндисидан иборатдир. 
Тадбиркорлик фаолияти билан боғлиқ муносабатларни 
давлатнинг ваколатли органлари томонидан қабул қилинган 
норматив-ҳуқуқий ҳужжатлар ва тадбиркорлик фаолиятидаги иш 
муомала одатлари асосида тартибга солинишини тадбиркорлик 
ҳуқуқи фани ўрганади. 
Мисол учун, 
фуқаро бир ўзи таъсисчилигида масъулияти чекланган жамият ташкил 
қилиб, болалар ички кейимлари ишлаб чиқариш мақсадида банкдан кредит олиб, чет элдан 
тикиш ускуналарини хорижий валютада харид қилди ва ўз тадбиркорлик фаолиятини 
бошлади. 
 
Демак, тадбиркорлик ҳуқуқи ўзига хос муайян муносабатларни 
ҳуқуқий тартибга солувчи ҳуқуқ соҳаси-ми? 
Унда, тадбиркорлик ҳуқуқининг ҳуқуқ тизимида тутган ўрнига 
тўхталиб ўтайлик. Тадбиркорлик ҳуқуқи ҳам бошқа ҳуқуқ соҳалари 
каби: биринчидан, ҳуқуқнинг мустақил соҳаси; иккинчидан, 
қонунчилик тармоғи; учинчидан, фан соҳаси; тўртинчидан, ўқув 
предмети ҳисобланади. 
Тадбиркорлик ҳуқуқи – ҳуқуқ тармоғи сифатида тадбиркорлик 
субъектларининг иқтисодиёт соҳасидаги фаолиятидан келиб 
чиқадиган муносабатларни тартибга солувчи ҳуқуқ нормалари 
йиғиндисидан иборат.