Tadbir senariysi

9-o`quvchi: Davlat ishlarining to`qqiz ulushi kengash, tadbir va mashvarat, qolgan bir ulushi esa qilich bilan bajo keltirilur.

2-boshlobchi: Bobomizning bu dono o`gitlari bizni adolatli, vatanparvar bo`lishga undaydi.

1-boshlobchi: Biz Amir Temur avlodlari u kishining ruhi-poklarini shod etishni sharaf deb bilamiz. Buyuk sohibqiron shoirlar nazdida yanada yuksaklikka yo`g`rildi. Aytilajak she`rlar sizga buyuk hurmatimiz ramzidir.

O`quvchilar tomonidan Amir Temurni sharaflovchi she`rlar o`qiladi.

2-boshlobchi: Amir Temurdek buyuk zot mansub bo`lgan millat farzandlari ekanimizni, tomirlarimizda Amir Temur shijoati jo`sh urayotganini o`ylasak, anglasak qalbimizni chinakkam iftixor tuyg`ulari qamrab oladi.

1-boshlobchi: Bobomiz adolat bilan ish yuritganlar. Hozir namoyish etiladigan sahna ko`rinishi bizni yanayam shijoatli bo`lishga undaydi.

Maktabning yuqori sinf o`quvchilari tomonidan Abdullo Oripovning “Sohibqiron” dramatik dostonidan ikkinchi sahna ko`rinishi namoyish etiladi.

2-boshlobchi: Ulug` Amir Temur tengsiz kurashlar, o`tkir aql va tadbirkorlik bilan tiklagan saltanatini adolat bilan boshqarishga hamda imkon boricha ezgu ishlar qilishga hamisha intilganlar.

Amir Temur:

.... Bolalarim, unutmangki, davlat ishida,

Har qanday yumushning ham o`z o`rni bordir.

Minglab xufya xizmat qilar bizga, masalan,

Ammo ular tanishmagay bir-birlarini.

Xabarlarni shoshilmasdan tinglab, o`rganib,

Barchasidan chiqargaymiz zarur xulosa.

Yurish qilish lozim bo`lsa yiroq ellarga,

Tadorigin ko`rmoq kerak uch-to`rt yil avval.

Siz, chunonchi, sarhadlarda yaylov tayyorlang,

Yilqilarni ko`paytiring o`sha joylarda.

Toki sizning horg`in otlar yetib borgan payt,

Tulpor bo`lib, kishnab tursin minglab toychoqlar.

Yov qo`shinin tahlikaga solmoqlik uchun,

Tunda uning atrofiga gulxanlar yoqing.

Necha yuzlab miltillagan cho`g`larni ko`rgach,

Yog`iy sizning lashkarlarni ko`p deb o`ylagay.

Shabxun deya ataladi tungi hujumlar,

To`rtta otning biqiniga shox-shabbalardan,

Oddiygina supurgini bog`lab qo`ysangiz-

Chunon to`zon ko`tarilgay, deysiz qiyomat!

O`rni kelsa to`rt suvoriy ming otliqning,

Vahimasin yaratadi qiyqiriq bilan.

Bayrog`ingiz egilmasin maydonda sira,

Jangda yolg`iz qolsang ham bayroq tik bo`lsin.

Hujum qilish arafasi: “Allohu akbar!”-deb,

Nido aylang, Parvardigor kuch ato etgay.

“Suring!”-degan na`ra esa bosqinga da`vat,

Bizning oddiy: “Ur-ho-ur”dan yov juda qo`rqar.

Endi jahon yaxshi bilar qudratimizni,

Pinhon joyi qolmagandir hiylalarning ham.

Biroq Temur firiblarin adog`i yo`qdir,

Endi ruxsat, mashvaratning mehmonlariga....

Sahna ko`rinishi tugagach maktabning eng bilimdon o`quvchilari o`rtasida “Intellektual ring” o`yini o`tkazildi. Unda 11 nafar o`quvchi ishtirok etadi. Savollar boshlovchi tomonidan beriladi. O`yin oxirigacha to`g`ri javob bergan o`quvchi g`olib hisoblanadi.

1-boshlovchi: Amir Temur hamisha el g`amini o`ylab, yovlar oyog`i ostida toptalgan o`lkani dunyoning eng qudratli saltanatiga aylantirgan edi. Keling aziz do`stlar, barchamiz yakdil bo`lib, halol nehnatimiz, aqlu zakovatimiz, Vatanga muhabbatimiz bilan O`zbekistonni jahon havas qiladigan buyuk davlatga aylantirishga xizmat qilaylik.

2-boshlovchi: Jahonga Amir Temurdek buyuk dahoni bergan xalq mangu yashasin, baxtu saodati ziyoda bo`lsin.

Tadbir yakunida faol ishtirok etgan o`quvchilar rag`batlantiriladi