Tabiiy tolalar va matoga ishlov berish

Кейинги босцич халцаро цидирув органи томонидан талабномани кўриб чициш ҳисобланади. РСТ талабларига жавоб берадиган миллий патент идораси ёки ҳукуматлараро ташкилот халқаро қидирув органи мақомини олиттти мумкин. Бундай талаблар малакали штат (камида 100 киши), зарур патент жамғармалари (РСТ минимумларини 9.1-бўлимдан қаранг) нинг мавжудлиги ҳисобланади. Ҳар бир халқаро қидирув органи БИМТ Халқаро бюроси ва ушбу қидирув органи ўртасида тегишли шартнома имзоланган тақдирда РСТ Ассамблеяси томонидан тайинланади. Ҳозирги вақтда қуйидаги патент идоралари халқаро қидирув органлари мақомига эга: Австрия, Австралия, Испания, Хитой, Корея, Россия, АҚШ, Швеция, Япония ва Европа патент идораси (ЕПИ). Узбекистонлик талабнома берувчилар учун ЕПИ ва ФИПС/СМФИ (Россия, собиц БДПЭИТИ/ВНИИГПЭ) шундай орган ҳисобланади. Бунда ЕПИда халқаро қидирувни ўтказиш учун бож 945 еврони ташкил этади (бироқ Узбекистонлик талабнома берувчи юқорида кўрсатиб ўтилган 75% ли имтиёздан фойдаланиши мумкин), ФИПСдаги қидирув қиймати эса 300 АҚШ долларини ташкил этади (юқоридаги каби имтиёз йўқ).
Талабнома берувчининг ўзи талабномаси ушбу икки қидирув органининг қайси бирида кўриб чиқилиши лозимлигини кўрсатади. Таъкидлаб ўтамиз, агар халқаро талабнома рус тилида берилса, у ЕПИда кўриб чиқилиши мумкин эмас (демак, қидирув фақат ФИПС, Москва шаҳрида ўтказилиши мумкин).
Талабноманинг нусхаси (БеагсЕ Сору) ва белгиланган бож тўлови олинганидан кейин қидирув органи талабнома бўйича халқаро қидирувни бошлайди. Бундай қидирув ихтиро соҳасидаги техника даражасини тадқиқ қилиш ва ихтиронинг янгилиги ва/ёки ихтиролик даражасини пасайтириши мумкин бўлган ихтирога энг яқин ахборот манбаларини аниқлаш мақсадида ўтказилади. Кўпинча қидирув талабнома олинган санадан бошлаб 4 ой давомида ўтказилади. Одатда, қидирув талабноманинг устуворлик санасидан 16 ой ўтгунича тугалланиши керак.
Халқаро қидирув натижасида халқаро қидирув органи бу тўғрисида хисобот тайёрлайди ҳамда уни Халқаро бюро ва талабнома берувчига юборади. Қидирув тўғрисидаги ҳисобот ўрнатилган шаклда (масалан, 10.3- бўлимга қаранг) тузилади. Ҳисоботда топилган ахборот манбалари кўрсатилади ва улар ихтиронинг патентга лаёқатлилик мезонига таъсир этишига қараб гуруҳларга бўлинади.