Tabiiy tolalar va matoga ishlov berish” kafedrasi

Lastikning yuza zichligi. Lastikning yuza zichligini xuddi gladni yuza zichligi kabi hisoblash mumkin, biroq o’ziga xosliligi shundan iboratki, gorizontal bo’yicha zichlikning old va orqa tomonlari bo’yicha qiymatlari inobatga olinadi. Shuning uchun yuza zichligini aniqlash formulasi birmuncha boshqa ko’rinishga ega bo’ladi:

(6.18)
6.2 Teskari trikotaj to’qimasi tuzilishi, xususiyatlari va ularni loyihalash
Teskari trikotaj to’qimasi deb shunga aytiladiki, uning ikkala tomoni gladning teskari yoki orqa tomoniga o’xshash bo’ladi, ya’ni uning ikkala tomonida asosan halqalar yoylari ko’rinib turadi. 6.4-rasmda teskari trikotaj to’qimasining tuzilishi ko’rsatilgan. Rasmdan ko’rinib turibdiki, old tomondagi halqalar qatori 1 bu to’qimada bittasi oralab orqa tomonidagi halqalar qatori 2 bilan almashinadi.

6.4-rasm. Teskari to’qima halqalarining tuzilishi

Trikotajda halqalarning qiya joylashganligi hisobiga teskari trikotaj mashinadan olingandan keyin uzunligi bo’ylab qisqaradi, biroq kiyimni kiyish jarayonida elastiklik kuchi halqalarda kamaygan sari trikotaj asta-sekin cho’ziladi. Bu trikotajning muhim kamchiliklaridan hisoblanadi, buni kiyimlarni loyihalashda hisobga olish kerak.