Tabiiy resurslar / Suv va suvdan foydalanish]

94-modda. Suvdan foydalanishga va suv iste’moliga doir nizolar yuzasidan qaror qabul qilish
Suvdan foydalanishga va suv iste’moliga doir nizolarni ko‘rib chiqish natijasi haqida shu nizoni hal qiluvchi organlar qaror chiqaradilar.
Zarur hollarda bu qarorlarda ularni ijro etish tartibi va muddatlari, shuningdek buzilgan huquqni tiklash tadbirlari ko‘rsatilgan bo‘lishi mumkin.
(94-modda O‘zbekiston Respublikasining 2009-yil 25-dekabrdagi O‘RQ-240-sonli Qonuni tahririda — O‘R QHT, 2009-y., 52-son, 555-modda)
Oldingi tahrirga qarang.
95-modda. Suvdan foydalanishga va suv iste’moliga doir nizo yuzasidan chiqarilgan qarorlar ustidan shikoyat qilish tartibi
Suvdan foydalanishga va suv iste’moliga doir nizo yuzasidan chiqarilgan qaror ustidan shu qaror topshirilgan kundan boshlab o‘n kun muddat ichida yuqori turuvchi organga shikoyat qilish mumkin.
Nizo yuzasidan chiqarilgan qaror ustidan qilingan shikoyat bu qarorning ijrosini to‘xtatib qo‘ymaydi. Suvdan foydalanish va suv iste’moli to‘g‘risidagi nizo yuzasidan chiqarilgan qarorning ijrosi qaror chiqargan organ, yuqori turuvchi organ tomonidan to‘xtatilishi yoki ijro muddati uzaytirilishi mumkin.
(95-modda O‘zbekiston Respublikasining 2009-yil 25-dekabrdagi O‘RQ-240-sonli Qonuni tahririda — O‘R QHT, 2009-y., 52-son, 555-modda)
96-modda. Suvdan foydalanish bilan bog‘liq bo‘lgan mulkka oid nizolarni hal qilish
Oldingi tahrirga qarang.
Suvdan foydalanish bilan bog‘liq bo‘lgan mulkka oid nizolar qonunchilikda belgilangan tartibda tegishli sud tomonidan hal etiladi.
(96-moddaning matni O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Oldingi tahrirga qarang.
XXIV BOB. SUVNI VA SUV OBYEKTLARINI MUHOFAZA QILISh
(XXIV bobning nomi O‘zbekiston Respublikasining 2009-yil 25-dekabrdagi O‘RQ-240-sonli Qonuni tahririda — O‘R QHT, 2009-y., 52-son, 555-modda)
[OKOZ:
1.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.10.00 Suv va suv obyektlarini muhofaza qilish. Suvlarning zararli ta’sirining oldini olish]