Tabiiy resurslar / Suv va suvdan foydalanish]

79-modda. Suv omborlaridan foydalanish tartibi
Oldingi tahrirga qarang.
Suv omborlaridan foydalanish tartibi Ekologiya va atrof-muhitni muhofaza qilish davlat qo‘mitasi, O‘zbekiston Respublikasi Vazirlar Mahkamasi huzuridagi Suv xo‘jaligi obyektlari xavfsizligini nazorat qilish davlat inspeksiyasi, O‘zbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi va boshqa manfaatdor organlar bilan kelishilgan holda, har bir suv ombori, suv omborlari tizmasi yoki tizimi uchun O‘zbekiston Respublikasi Suv xo‘jaligi vazirligi tomonidan tasdiqlanadigan qoidalarda belgilanadi.
(79-moddaning matni O‘zbekiston Respublikasining 2021-yil 30-noyabrdagi O‘RQ-733-sonli Qonuni tahririida — Qonunchilik ma’lumotlari milliy bazasi, 01.12.2021-y., 03/21/733/1112-son — 2022-yil 2-martdan kuchga kiradi)
80-modda. Suv omborlarining tegishli texnika holatini va obodonchiligini ta’minlaydigan tadbirlarni uyushtirish va muvofiqlashtirish
Oldingi tahrirga qarang.
Suv omborlarining tegishli texnik holatini va obodonlashtirilishini ta’minlaydigan tadbirlarni uyushtirish va muvofiqlashtirish, shuningdek ulardan foydalanish ustidan nazorat qilish suv xo‘jaligi organlari hamda suv xo‘jaligi obyektlari xavfsizligini nazorat qilish organlari tomonidan amalga oshiriladi.
(80-moddaning matni O‘zbekiston Respublikasining 2021-yil 30-noyabrdagi O‘RQ-733-sonli Qonuni tahririida — Qonunchilik ma’lumotlari milliy bazasi, 01.12.2021-y., 03/21/733/1112-son — 2022-yil 2-martdan kuchga kiradi)
81-modda. Ko‘l va boshqa suv havzalaridan suv omborlari sifatida foydalanish
Ushbu Qonunning 78, 79 va 80-moddalaridagi qoidalar ko‘llardan va suv omborlari tariqasida xizmat qilayotgan boshqa suv havzalaridan foydalanishga ham joriy qilinadi.
Oldingi tahrirga qarang.
82-modda. Gidrouzellar va boshqa gidrotexnika inshootlaridan foydalanish tartibi
Oldingi tahrirga qarang.
Daryolar, soylar, kanallar va kollektorlardagi suv xo‘jaligi organlari tomonidan foydalaniladigan gidrouzellar hamda boshqa gidrotexnika inshootlari davlat mulki bo‘lib, ulardan belgilangan tartibda foydalaniladi.
(82-moddaning birinchi qismi O‘zbekiston Respublikasining 2021-yil 30-noyabrdagi O‘RQ-733-sonli Qonuni tahririida — Qonunchilik ma’lumotlari milliy bazasi, 01.12.2021-y., 03/21/733/1112-son — 2022-yil 2-martdan kuchga kiradi)
Suv iste’molchilari uyushmalari, shuningdek boshqa suvdan foydalanuvchilarning gidromelioratsiya tarmog‘idagi gidrotexnika inshootlari, shu jumladan sug‘orish kanallari va kollektor-drenaj tarmoqlari suvdan foydalanuvchilar tomonidan mansubligi bo‘yicha ishlatiladi.
Oldingi tahrirga qarang.
Suv xo‘jaligi organlari suv iste’molchilari uyushmalari hamda boshqa suvdan foydalanuvchilar bilan shartnomaviy asosda gidromelioratsiya tarmog‘iga va undagi inshootlarga texnik xizmat ko‘rsatishni o‘z zimmasiga olishi mumkin.
(82-moddaning uchinchi qismi O‘zbekiston Respublikasining 2021-yil 30-noyabrdagi O‘RQ-733-sonli Qonuni tahririida — Qonunchilik ma’lumotlari milliy bazasi, 01.12.2021-y., 03/21/733/1112-son — 2022-yil 2-martdan kuchga kiradi)