Tabiiy resurslar / Suv va suvdan foydalanish]

90-modda. O‘zbekiston Respublikasi Vazirlar Mahkamasining suvdan foydalanish va suv iste’moli to‘g‘risidagi nizolarni hal qilishga doir vakolati
Oldingi tahrirga qarang.
Turli viloyatlar yoki bitta viloyat va Qoraqalpog‘iston Respublikasida joylashgan korxonalar, muassasalar, tashkilotlar o‘rtasidagi suvdan foydalanish va suv iste’moli to‘g‘risidagi nizolarni hal qilish O‘zbekiston Respublikasi Vazirlar Mahkamasining vakolatiga kiradi, suv xo‘jaligi, ekologiya va atrof-muhitni muhofaza qilish, geologiya va mineral resurslar organlari hamda shunga vakolatli boshqa davlat organlari hal qilishi lozim bo‘lgan nizolar bundan mustasno.
(90-moddaning matni O‘zbekiston Respublikasining 2021-yil 30-noyabrdagi O‘RQ-733-sonli Qonuni tahririida — Qonunchilik ma’lumotlari milliy bazasi, 01.12.2021-y., 03/21/733/1112-son — 2022-yil 2-martdan kuchga kiradi)
Oldingi tahrirga qarang.
91-modda. Suvdan foydalanish va suv iste’moli to‘g‘risidagi xalqaro nizolarni hal qilish
O‘zbekiston Respublikasi va boshqa davlatlar o‘rtasida transchegaraviy suvlardan va transchegaraviy suv obyektlaridan foydalanish va suvni iste’mol qilish to‘g‘risidagi nizolar O‘zbekiston Respublikasining xalqaro shartnomalari bilan belgilanadigan tartibda hal qilinadi.
(91-modda O‘zbekiston Respublikasining 2009-yil 25-dekabrdagi O‘RQ-240-sonli Qonuni tahririda — O‘R QHT, 2009-y., 52-son, 555-modda)
Oldingi tahrirga qarang.
92-modda. Suvdan foydalanish va suv iste’moli to‘g‘risidagi nizolarni ko‘rib chiqish
Suvdan foydalanish va suv iste’moli to‘g‘risidagi nizolar taraflardan birining arizasiga binoan ko‘rib chiqiladi. Arizaga suvdan foydalanish va suvni iste’mol qilish huquqi buzilganligidan dalolat beruvchi hujjatlar ilova qilinadi.
(92-modda O‘zbekiston Respublikasining 2009-yil 25-dekabrdagi O‘RQ-240-sonli Qonuni tahririda — O‘R QHT, 2009-y., 52-son, 555-modda)
Oldingi tahrirga qarang.
93-modda. Suvdan foydalanishga va suv iste’moliga doir nizolarni ko‘rib chiqish tartibi
Suvdan foydalanishga va suv iste’moliga doir nizolar manfaatdor tomonlar ishtirokida ko‘rib chiqiladi, ular nizo hal qilinadigan vaqt va joy haqida xabardor qilib qo‘yiladi.
(93-modda O‘zbekiston Respublikasining 2009-yil 25-dekabrdagi O‘RQ-240-sonli Qonuni tahririda — O‘R QHT, 2009-y., 52-son, 555-modda)
Oldingi tahrirga qarang.