Tabiiy resurslar / Suv va suvdan foydalanish]

54-modda. Suv iste’molchilarining suv obyektlaridan beriladigan suv oqimi maromini o‘zboshimchalik bilan o‘zgartirishini taqiqlash
Suv iste’molchilarining suv iste’molchilari uyushmalari hamda suv xo‘jaligining foydalanuvchi tashkilotlari bilan belgilangan tartibda kelishilmagan holda suv sarfini ko‘paytirish yoki kamaytirish maqsadida suv obyektlaridagi gidrotexnika inshootlarini o‘zboshimchalik bilan o‘zgartirishi, shuningdek ularga muvaqqat to‘siqlar, nasos stansiyalari (agregatlar) va suvni ko‘taradigan hamda suv oladigan boshqa inshootlarni qurishi taqiqlanadi.
Ro‘yxatdan o‘tkazilmagan suv ajratish joylaridan o‘zboshimchalik bilan suv olish taqiqlanadi.
(54-modda O‘zbekiston Respublikasining 2009-yil 25-dekabrdagi O‘RQ-240-sonli Qonuni tahririda — O‘R QHT, 2009-y., 52-son, 555-modda)
Oldingi tahrirga qarang.
55-modda. Suv obyektlari va gidrotexnika inshootlari ustidan traktorlar, transport vositalarini va chorva mollarini haydab o‘tishning taqiqlanishi
Suv obyektlari va gidrotexnika inshootlari ustidan traktorlar, qishloq xo‘jalik mashinalari, avtomobillar va boshqa transport vositalarini haydab o‘tish, shuningdek mo‘ljallanmagan joylardan chorva mollarini haydab o‘tish va sug‘orish taqiqlanadi.
(55-modda O‘zbekiston Respublikasining 2009-yil 25-dekabrdagi O‘RQ-240-sonli Qonuni tahririda — O‘R QHT, 2009-y., 52-son, 555-modda)
[OKOZ:
1.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.05.00 Suvdan foydalanish turlari / 11.05.05.04 Suvdan sanoat maqsadlarida va energetika ehtiyojlari uchun foydalanish]
XIV bob. SUV OBYEKTLARIDAN SANOAT MAQSADLARIDA VA ENERGETIKA EHTIYOJLARI UChUN FOYDALANISh
Oldingi tahrirga qarang.
56-modda. Suv obyektlaridan sanoat maqsadlarida hamda issiqlik va atom energetikasi ehtiyojlari uchun foydalanuvchi suv iste’molchilarining majburiyatlari
(56-moddaning nomi O‘zbekiston Respublikasining 2021-yil 30-noyabrdagi O‘RQ-733-sonli Qonuni tahririda — Qonunchilik ma’lumotlari milliy bazasi, 01.12.2021-y., 03/21/733/1112-son — 2022-yil 2-martdan kuchga kiradi)
Oldingi tahrirga qarang.
Suv obyektlaridan sanoat maqsadlarida hamda issiqlik va atom energetikasi ehtiyojlari uchun foydalanuvchi suv iste’molchilari, ushbu Qonunning 35¹-moddasida nazarda tutilgan majburiyatlardan tashqari, ishlab chiqarish texnologiyasini takomillashtirish, suv ta’minotining aylanma hamda takroriy tizimlarini joriy etish orqali suv sarfini kamaytirish va oqova suvlarning oqizib yuborilishini tugatish choralarini ko‘rishi, shuningdek suvlarning radioaktiv ifloslanishi belgilangan normalardan oshishiga yo‘l qo‘ymasligi shart.
(56-moddaning birinchi qismi O‘zbekiston Respublikasining 2021-yil 30-noyabrdagi O‘RQ-733-sonli Qonuni tahririda — Qonunchilik ma’lumotlari milliy bazasi, 01.12.2021-y., 03/21/733/1112-son — 2022-yil 2-martdan kuchga kiradi)
Loyihalanayotgan va ishga tushirilayotgan sanoat obyektlari uchun suv ta’minotining to‘xtovsiz tizimidan foydalanishni nazarda tutish man etiladi, ishlab chiqarishning shart-sharoitlari taqozosi bilan aylanma suv ta’minotiga moslashtirilishi mumkin bo‘lmagan korxonalar va boshqa obyektlar bundan mustasno.
Oldingi tahrirga qarang.
Aylanma suv ta’minotiga ega bo‘lmagan ishlab turgan korxonalar uchun ekologiya va atrof-muhitni muhofaza qilish organlari tomonidan suv xo‘jaligi organlari bilan kelishilgan holda ularni suv ta’minotining to‘xtovsiz tizimiga o‘tkazish muddatlari belgilanadi.
(56-moddaning uchinchi qismi O‘zbekiston Respublikasining 2017-yil 14-sentabrdagi O‘RQ-446-sonli Qonuni tahririda — O‘R QHT, 2017-y., 37-son, 978-modda)