Tabiiy resurslar / Suv va suvdan foydalanish]

45-modda. Shifobaxsh suvlar qatoriga kiritilgan suv obyektlariga oqindi suvlar tashlanishini taqiqlash
Oldingi tahrirga qarang.
Shifobaxsh suvlar qatoriga kiritilgan suv obyektlariga oqova suvlarni tashlash taqiqlanadi.
(45-moddaning matni O‘zbekiston Respublikasining 2021-yil 30-noyabrdagi O‘RQ-733-sonli Qonuni tahririda — Qonunchilik ma’lumotlari milliy bazasi, 01.12.2021-y., 03/21/733/1112-son — 2022-yil 2-martdan kuchga kiradi)
46-modda. Dam olish va sport uchun suv obyektlaridan foydalanish tartibi
Oldingi tahrirga qarang.
Dam olish va sport uchun suv obyektlaridan foydalanish tartibi qonunchilik bilan belgilanadi.
(46-moddaning matni O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
[OKOZ:
1.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.05.00 Suvdan foydalanish turlari / 11.05.05.03 Suvdan qishloq xo‘jaligi ehtiyojlari uchun foydalanish]
XIII bob. SUV OBYEKTLARIDAN QIShLOQ XO‘JALIGI EHTIYOJLARI UChUN FOYDALANISh
Oldingi tahrirga qarang.
47-modda. Qishloq xo‘jaligi ehtiyojlari uchun suvdan foydalanish va suv iste’moli
Qishloq xo‘jaligi ehtiyojlari uchun suvdan foydalanish va suv iste’moli qishloq xo‘jaligi korxonalari, muassasalari, tashkilotlari, fermer va dehqon xo‘jaliklarining, shuningdek fuqarolarning sug‘oriladigan yerlarida qulay suv rejimini vujudga keltirish maqsadida amalga oshiriladi.
Suv obyektlaridan qishloq xo‘jaligi ehtiyojlari uchun foydalanish limit bo‘yicha suvdan foydalanish yoki suvni iste’mol qilishning belgilangan tartibiga rioya etgan holda suvdan umumiy va maxsus foydalanish yoki suvni umumiy va maxsus iste’mol qilish tartibida amalga oshiriladi. Fermer va dehqon xo‘jaliklarining suv olish limitlari ularning roziligisiz o‘zgartirilishi mumkin emas, manbalarning suvi kamaygan hollar bundan mustasno.
Qishloq xo‘jaligi ehtiyojlari uchun suvdan maxsus foydalanish yoki suvni maxsus iste’mol qilish uchun ruxsatnoma ushbu Qonunning 27-moddasiga muvofiq beriladi.
(47-modda O‘zbekiston Respublikasining 2009-yil 25-dekabrdagi O‘RQ-240-sonli Qonuni tahririda — O‘R QHT, 2009-y., 52-son, 555-modda)
Oldingi tahrirga qarang.