Tabiiy fanlar fakulteti botanika kafedrasi

Introduksiya bosqichlari:
1.O‘simlik turlarining tabiiy sharoitlari va areallarini o‘rganish hamda ularni biologiyasi va ekologiyasini aniqlash.

2. 
   Introduksiya uslublarini (usullarini) ishlab chiqish.
   

3. Chet el florasiga mansub va yo‘qolib hamda kamayib ketayotgan mahalliy istiqbolli dorivor o‘simlik turlarini yangi sharoitlarga introduksiya qilish, ko‘paytirish va ularni madaniy holda yetishtirish.
4. O‘zbekiston florasiga mansub, yo‘qolib va kamayib borayotgan dorivor o‘simliklarni tabiiy sharoitlarda (reintroduksiya) ko’paytirish va tabiiy populyatsiyalarini tiklash.
Introduksiya usullari
Ekologik ta’rixiy usul: -Bu usulda introdusent (o‘simliklar) ob’ekt tabiiy florasi tarixiy analiz qilish bo‘yicha o‘rganiladi va baholanadi.
Ekologik genetik usul- Bu usulda introduksiya qilinadigan o‘simliklar ekologik sistema va kelib chiqish holati bo‘yicha o‘rganiladi.
Ekologik-introduksiya usuli- Bu usulda o‘simliklar introdkutsiya sharoitini geoekologik omillarga bo‘lgan munosabatiga ko‘ra eksperimental tajribalar asosida o‘rganiladi va baholanadi.
Turkum kompleks usuli- Bu kompleks usul bo‘lib, turkum doirasidagi o‘simlik turlari introduksiya sharoitida eksperimental asosida o‘rganiladi va baxolanadi.
Chet el florasidan introduksiya qilingan dorivor o‘simliklar.
Qovoq — Cucurbita
Qovoq — Cucurbita, sapcha qovoq (oddiy qovoq) — Cucurbita pepo L.; o‘ris qovoq (yirik qovoq, kartoshka qovoq) — Cucurbita maxima Duch.; osh qovoq (oyim qovoq) — Cucurbita moschata Duch.; qovoqdoshlar — Cucurbitaceae oilasiga kiradi.
Qovoq turlari bir yillik, poyacining uzunligi 4—5 m ga yetadigan o‘t o‘simlik. Poyasi qirrali, dag‘al tukli, jingalaklari yordamida osilib o‘sadi. Bargi juda ham yirik, yuraksimon, chuqur 5 bo‘lakli, dag‘al tukli bo‘lib, poyada uzun bandi yordamida ketma-ket joylashgan. Gullari sariq rangli, yoqimli hidli, bir jinsli, erkak gullari barg qo‘ltig‘ida to‘p-to‘p bo‘lib, urg‘ochi gullari esa yakka-yakka holda joylashgan. Gulkosachasi qo‘ng‘iroqsimon, 5 bo‘lakli, gultoji voronkasimon-qo‘ng‘iroqsimon, besh bo‘lakli. Otaligi 5 ta, onalik tuguni 3 xonali, pastga joylashgan. Mevasi — yirik, ko‘p urug‘li, seret va shirali, turli rangdagi va shakldagi ho‘l meva. Urug‘i oq rangli, yapaloq ellipssimon bo‘ladi. Iyun oyidan boshlab gullaydi, mevasi avgust-oktyabrda pishadi.