Tabiiy fanlar fakulteti botanika kafedrasi

Akademik B.A.Keller rus ekologiyasining ri­vojlanishiga katta xissa qo‘shdi. U o‘simliklarni o‘rganishning ekologik metodlarini bayon etdi. Bu bilan u geobotanikaga ekologik qatorlar metodini, sistematikaga ekologik-geografik metodlarning asoslarini kiritdi. U qurg‘oqchilikka va sho‘rga chidamli o‘simlik­lar ustida olib borgan tadqiqotlarida fiziologik va anatomik-morfologik metodlarga tayandi. Keller evolyusiyaning aniq yo‘llarini ekologik tushuntirish muximligini qunt bilan ko‘rsatdi. U ekologiyada alohida yo‘nalish —«dinamik ekologiya» ga asos soldi. Bu yo‘nalishga ko‘ra, o‘simliklarning ekologik tiplarini muvozanat xolatda emas, balki har akatda o‘rganishni taklif qildi.
Keyinchalik ekologik fiziologiya L.A.Ivanov (yorug‘likning ta’siri), N.A.Maksimov (qurg‘oqchilikka chidamlilik), V.I. Lyubimenko, A.A.Nichiparovich, O.V.Zalenskiy, V.A.Voznesenskiy (fotosintez eko­logiyasi), I. I. Tumanov (sovuqqa chidamlilik) xaqidagi tadqiqotlarni olib bordi.
P.A.Genkel (sho‘rga chidamlilik) ishlarida ekologiya fani rivojlantirdi. V.I.Sukachevning klassik asarlarida fi­totsenologiya va biogeotsenologiyadagi ekologik yo‘nalish rivojlantirildi. L.G.Ramenskiy va A.P.Shennikov ekologiyani, ayniqsa, o‘tloq o‘simliklari ekologiyasini rivojlantirishga katta xissa ko‘shdilar. Keyingi o‘n yilliklarda deyarli barcha mamlakatlarda ekologik tadqiqotlar avj olib rivojlandi.
1968 yildan boshlab, Xalqaro biologik dastur va keyingi yillarda yangi Xalqaro «Inson va biosfera» (1972) dasturi bunga imkon tug‘dirdi. Oxirgi 20 yillar ichida ish masshtablari o‘sdi, murakkab asbob-uskunalar bilan ta’minlangan yangi ekologiya paydo bo‘ldi. Hozir ham miqdoriy ekologiya (statistika, klassifi­katsiya, ordinatsiya), ekosistema ekologiyasi (unumdorlik, oziq zanjiri), bioenergetika, modellashtirish, sistematik analiz va autekologiya, fiziologik ekolo­giya, genekologiyasi, populyasiya ekologiyasi, tropik eko­logiya, inson ekologiyasi va boshqa ekologiyalar mavjud. Lekin yangi va eski ekologiyaning strukturasi asosan o‘xshash, faqat foydalaniladigan metodlari farq qiladi.