Табиий шифо воситалари 3-китоб тошкент

Саримсоқли совуқ компресс тайёрлаш учун саримсоқ қайнатмаси 
тайёрланади (юқорида бу хақда маълумот берилган) ва унга бир неча томчи 
лимон шарбати қўшилади. Кейин бу аралашма сочиққа ёки бирор бир юмшоқ 
матога шимдирилиб, оғриётган жойга қўйилади. Компресс тери ҳароратигача 
исигунча, қўйилган жойда ушлаб турилади ва сўнгра у янгиланади. Бундай 
компресс тери куйганида, тиш оғриғида, радикулитда ва мушаклар 
чўзилганда ишлатилиши мумкин.
Саримсоқли ингаляция тайёрлаш учун саримсоқ дамламасига 1 литр 
сув қўшилади ва қайнатилади, сўнгра сопол идишга солинади. Кейин унинг 
буғлари билан 5 дақиқагача нафас олинади. Агар дамлама бўлмаса, у холда 
оддий саримсоқни майдалаб, 3-4 соат совуқ сувга солиб қўйилади. Кейин 
унга қайноқ сув қўшиб, ингаляция қилиш мумкин. Бу ингаляция кўкрак 
қафасидаги оғриқларни камайтиради, нафас олишни яхшилайди ва мияни 
тиниқ қилади.

---

Аюпов Равшан Хамдамович 
44 
Саримсоқли тамаки чекиш йўтал, бронхит касалликларидан ва 
чекувчи йўталидан халос бўлишнинг ажойиб йўлидир. Саримсоқли сигарет 
тайёрлаш учун аввало икки бош саримсоқ бўлакчаларини тозалаш ва уларни 
кесиб, сўнгра қуритиш керак бўлади. Қуриган саримсоқни майда қилиб 
кесинг ва унга доривор ўтлардан аралаштириб, папирос қоғозига ўрангда, 
кейин даволовчи сеанс сифатида чекишингиз мумкин. Масалан, қуруқ 
йўталда доривор ўтлар сифатида ариқлар бўйида ўсадиган райхон ва 
розмаринни ҳам ишлатишингиз мумкин.
Саримсоқли клизмалар ошқозон-ичак йўлларидаги инфекцияларда, 
ич келмаганда ва ичакдаги паразитларни йўқ қилишда қўл келади. Бунинг 
учун саримсоқли қайнатма ишлатилиши мумкин. Клизмалар бир неча соат 
оралаб қайта-қайта қилиниши керак бўлади.
Саримсоқпиёз ёрдамида барвақт қаришнинг олдини олиш 
«Аллоҳ Таъоло касалликни ҳам, давосини ҳам нозил қилган.
Ва ҳар бир касалликка бир дармон яратган.
Шундай экан, даволанинг.
Фақат ҳаром бўлган нарса билан даволанманг» 
Ҳадиси шарифдан. 
 
Қадимги Тибет тиббиёт манбаъларидан олинган маълумотларга кўра, 
қуйидаги усулда тайёрланган дори инсон организмини қувватлантиришда, 
унинг толиқишини йўқотишда, организмда умумий модда алмашинувини 
яхшилашда ва танадаги ёғ ҳамда охак қатламларини тозалашда ижобий 
таъсир кўрсатар экан. Бундай шифобахш дорини тайёрлаш учун 350 грамм 
саримсоқпиёз яхшилаб ювиб тозаланади ва майдалаб тўғралади. Ана шу 
майдаланган саримсоқпиёзнинг 200 грамми шиша идишга солиниб, устига 
200 грамм 96 фоизли спирт қуйилади ва идишнинг қопқоғини маҳкам ёпиб, 
қоронғи ва салқин жойда ўн кун мобайнида сақланади. Бу муддат ўтгач, 
эритмани икки қават қалин докадан ўтказиб фильтрланади ва бу эритма яна 
2-3 кун сақлангач, дори истеъмолга тайёр холга келади. Ушбу доридан совуқ 
сутга керакли сондаги томчиларни томизиб, қуйидаги жадвалда кўрсатилган 
қатъий белгиланган тартибда ва томчилар сони бўйича овқатланишдан олдин 
ичилади: 

---

Аюпов Равшан Хамдамович 45