Табиий шифо воситалари 3-китоб тошкент

Саримсоқ суртмаси (мази) тайёрлаш учун бир бош саримсоқни 
тозалаб, майда бўлакларга кесиш керак бўлади. Сўнгра уни эмалланган ёки 
шиша идишга солиб, устидан 2 стакан иссиқ сув солиш ва қайнатиш керак. 
Сув қайнаган заҳоти оловни пасайтириб, сув миқдори 2 марта камайгунча 
милтиллатиб қайнатиш керак. Сўнгра эритмани фильтрлаб, унга 0,5 ёки 1 
стакан иссиқ зайтун (оливковый) ёки бошқа турдаги ўсимлик мойи қўшиб, 
яхшилаб аралаштириш керак бўлади. Ундан сўнг аста-секинлик билан 
аралашмага у сметана қуюқлигига етгунча аралаштириб турган холда 
асалари смоласи (воск) қўшилади. Бу маз артритларда, псориазда ва мушак 
чўзилган холларда ишлатилиши мумкин. Агар ушбу қўлбола мазга 1 чой 
қошиқ эвкалипт ёғи қўшилса, унинг таъсир кучи яна ҳам ортади.
Саримсоқли туркана дорилар (свечалар) геморройни, простатитни 
ва шунга ўхшаш касалликларни даволашда ишлатилади. Бундай свечалар 
орқага киргизиб қўйилади ва бутунлай сўрилиб кетмагунча у ерда сақланади. 
Свеча тайёрлаш учун яхшилаб майдаланган ва эзилган саримсоқ бўлакчалари 
топленный ёғга аралаштирилиб, озгина қайнатилган сувга қўшилади. 
Аралашма яхшилаб аралаштирилганидан сўнг, ундан свечалар тайёрланади 
ва кейин уларни музлатгичда сақланади. Асосий қоидалар: ёғ янги, тоза ва 
тузланмаган бўлиши, сув эса дистилланган бўлиши зарур.
Саримсоқли ванналар кўпчилик касалликларни даволаш ёки 
енгиллаштириш учун ишлатилади. Айниқса, улар асаб тизимининг 
толиқишида, шамоллаганда, мигренда, уйқусизликда, ич келмаганда, жинсий 
аъзолар билан муаммолар туғилганда, буйрак касалликларида, тош 
йиғилганда ва бошқаларда яхши кўмак беради. Улар юқорида 
кўрсатилганидек, совуқ ва иссиқ ванналар, ўтирадиган ва ётиладиган, қисқа 
муддатли ва узоқ муддатли ванналар бўлиши мумкин. Сифатли саримсоқ 

---

Аюпов Равшан Хамдамович 43 
ваннасини тайёрлаш учун қайнатмадан ёки саримсоқнинг ўзидан 
фойдаланиш мумкин. Ваннадаги сувнинг ҳарорати 32-35 градуслар атрофида 
бўлгани маъқул. Иссиқ ваннада 10-15 дақиқа бўлиш ва бу амални кунига 
икки марта - эрталаб ва кечқурун қилган мақсадга мувофиқ бўлади. 
Саримсоқли контраст ванналар веналарнинг варикозли кенгайиш 
касаллигида, уйқусизликда, мигренда, қон босими баланд бўлганда ёрдам 
беради. Бунинг учун олдин оёқлар 2 дақиқа давомида иссиқ ваннага 
солинади, сўнгра 30 сония совуқ ваннага солинади. Сўнгра яна иссиқ 
ваннага, совуқ ваннага ва хакозо. Бу иш 20 дақиқадан ошмаслиги керак ва бу 
ораликда ўн марта совуқ ва иссиқ ваннага тушилади. Ванна тайёрлаш учун 
30 та саримсоқ бўлакчасини майдалаб, эмал кастрюлкага солинади, устида 10 
литр сув қуйилиб, ярим соат қайнатилади. Сўнгра қайнатма 8-10 соат 
тиндирилади. Фильтрлангандан сўнг олинган эритмани 40 градусгача 
иситилиб, ваннага қуйилади. Ётиладиган ваннада қайнатма ва сув нисбати 
1:10, ўтирувчи ванна учун 3:7 ва оёқ ваннаси учун 1:7 бўлгани маъқул.