Табиатдан фойдаланиш и=тисодиёти (тфи) фанининг илмий-назарий асослари

Назорат топшириқлари.
-Аҳолининг тоғлик зонасида тарқалишини изоҳланг.
-Аҳолини текислик зонасида тарқалишини тушунтиринг.
-Дунё аҳолисини зичлигини сабабларини гапириб беринг.
3-савол бўйича ўқитувчининг асосий мақсадлари.
-Аҳоли сонини ўсиши ва унинг олдидаги муаммоларни тушунтириш.
-Озиқ-овқат муаммосини сабабларини изоҳлаб бериш.
3-савол баёнига оид муаммолар.
-Аҳоли сонини ўсиши ва унинг олдидаги муаммолар.
-Озиқ-овқат муаммоси ва ҳозирги давр.
Идентив ўқув мақсадлари:
-Аҳоли сонини ўсиши ва унинг олдидаги муаммоларни тушунтиради.
-Озиқ-овқат муаммосини сабабларини изоҳлаб беради.
3-асосий савол баёни.
Дунё аҳолиси сонининг тез суратларда ўсиши кўп муаммоларни келиб чиқишига сабаб бўлаётганлиги эндиликда сир эмас. Айниқса, озиқ-овқат муаммоси ва атроф муҳитдаги экологик танг ҳолат зудлик билан ўз ечимини кутаётган жумбоқларнинг энг ташвишлиси эканлигини давр кўрсатмоқда. Демак, ёки туғилишни камайтириш, ёки озиқ-овқат маҳсулотлари ишлаб чиқаришни кўпайтириш лозим. Аҳоли сонинг тез ўсиши асосий озиқ-овқат маҳсулотларига бўлган талабни ҳар 30 йилда икки марта оширмоқда. Хуллас, Томас Роберт Мальтуснинг (1798 йил) «тез ўсиб бораётган аҳолини озиқ-овқат билан ҳеч қачон тўлиқ таъминлаб бўлмаслиги тўғрисидаги назарияси» қуруқ сафсата эмас, балки янгича таҳлил ва янгича қараш асосида ўрганишни тақозо этаётганга ўхшайди. Чунки Мальтус назариясини асоссиз эканлигини ўша даврдаёқ қатор олимлар назарий жиҳатдан исботлаган бўлсада, бироқ амалда уни рўёбга чиқиши жуда мураккаб тарзда қийин кечмоқда.
Фан техника тараққиёти (ФТТ) юксак даражаларга кўтарилагн, «коинот асри», «компютер асри», деб аталаётган бир вақтда дунёнинг турли ҳудудларида инсоннинг бир бурда нонга зорлиги, одамларнинг очликдан ўлаётганлиги тажубланарлидир. БМТ нинг маълумотига кўра дунё бўйича кунига 35 минг киши очликдан ҳалок бўлмоқда, ҳозир сайёрамизда 0.5 млрд оч-ялонғоч, 1,5 млрд тиланчи мавжуд.
Аҳоли сонинг жадал суратлар билан кўпайиши озиқ-овқат етишмаслиги муаммоларини келтириб чиқариши, атроф муҳит ҳолатини ёмонлашувига салбий таъсир этиши ўзаро алоқада эканлигини кўпчилик таъкидлаб ўтганлиги бежиз эмас.