Tabiat o`z onamiz- uni doim sevamiz

Boshlovchi; O, ona sayyora, kurrayi qutlug`,

Yana bir sarhading iforin tuydim.

Havoyi bir xayol sehri emas, yo`q,

Farzand mehri bilan chin dildan syudim.

Assalomu alaykum, bugungi “Tabiat o`z onamiz- uni doim sevamiz” mavzusidagi tadbir qatnashchilari! Barchangizga chuqur ehtirom ila xush kelibsizlar degaymiz.

Yulg`unlar ortidan sayrar bo`g`iq qush

Qayinbarglararo ko`z qisar Zuhro.

Cheksiz kehgliklarda sarkash va sarxush

Yastanib yotibdi qadrdon sahro.

Ushbu dasturimizni hayolan qo`shni Mingbiloq tumani hududiga qarashli Oqqum cho`lidan olib borayapmiz, o`ylaymanki sizlarga olam-olam taassurotlar baxsh etamiz, degan umiddamiz. Tadbirdan maqsad; hazariy bilimlarni ijodkorona

2
ifodalash. Oliy maqsad esa bu tushunchalarning amaliy ravishda bilim, ko`nikma va malakasini hosil qilishdir. Bu maqsadni amalga oshirishda bizlarga 48-sonli umumiy o`rta ta`lim maktabining “Yosh sayyoh” to`garagi a`zolari yordam beradilar. Marhamat, ularni musiqa va qarsaklar ostida sahnaga chorlab qolamiz.

( O`zaro gaplashib gitlar va sayyohlar chiqib kelishadi. Atrofni tomosha qilishadi).

1-Git; Poyonsiz makonlarga

Xush kelibsiz, do`st, o`rtoq.

Bag`r ochib mehmonlarga

Qarshilaydi Mingbuloq.

1-sayyoh; Yosh qo`shdingiz yoshlarga

Hurmat uchun tashakkur

Bu tuman yurtdoshlarga

Nimasi bilan mashhur?

2-Git; Bilmadik ne sir ekan

Buralganmi qulog`I ?!

Og`zida neft qaynatdi

Namangan Mingbulog`i

2-sayyoh; Borliq yaratdi bizni

U hammaga onadir

Qiziqdik-da Mingbuloq

Bu qandayin zonadir?

3-Git; Markazimiz Jomashuy

Chor atrofi imorat

Hududning eng ko`p qismi

Cho`l, qumlikdan iborat.

3
3-sayyoh; Sirdaryo yaqin ekan

Tegrasida qir-adir,

Ammo- lekin bilmadik,

Cho`l degani nimadir?

4-Git; Cho`l – bu quyoshi issiq

Tikka tushar nurlari

Giyoh unmas tap-taqir

Qurg`oqchilik yerlari.

4-sayyoh; Gavjum yerlar yahshi-da

Zavq bilan o`tar kuning

Qiziqtirdi yanada

Re`lefi qanday uning?

5-Git; Shamol qumni uchirib

Do`hgliklar hosil etgan

Barxan deyilar ular

Atrofni bosib ketgan

5-Sayyoh; Qurg`oqchilik yerlarda

Bormi biror o`simlik?

Ushbu issiq havoda

O`zin tutolarmi tik?

6-Git; Saksavul, yulg`un,juzg`un

Yantoq, suvoq, oqtikan

O`sadi bu yerlarda

Shu iqlimga moslashgan.

4
6- sayyoh: Cho`lning bahori qanday?

Bahri diling ocharmi?

G`unchalar bo`y taratib

Muattar hid socharmi?

7-Git; Bahor gullari go`zal

Quyoshga bo`y cho`zadi.

Lola qizg`aldoq, lola,

Boychechaklar o`sadi.

7-sayyoh; Qumliklarga qarasang

O`ylab cho`chiydi yurak.

Uning ichida ulkan

Hayvonlar bo`lsa kerak?

8-Git; Biroz qo`rqitar albat

Qum mushugi vahshati

Tulki, chiyabo`rilar,

Echkemar eng dahshati.

8-sayyoh; Anov ko`ringan nima

Va yoki tubsiz g`ormi?

Shu kabi hayvonlarning

Kichiklari ham bormi?

9-Git; Yovvoyi quyon, ilon

Yumronqoziqni desak.

Uchraydi tipratikan

Toshbaqa, kaltakesak.

9-sayoh; Cho`l ichiga tobora

Kirar aqlu hushlar ham

5
Bu makonni oshiyon

Etishganmi qushlar ham

10-Git; Qirg`iy, Burgut, qoraqush

Shu makonning posboni.

So`fito`rg`ay, ilonxo`r

Chumchuqlaning oshiyoni.

10-sayyoh; Cho`lning obu havosi

Iqlimi qanday issiq?

Qandoq o`tar bu yerda

Yilning har bitta fasli?

1-git; Qishida qor yog`adi

Yomg`iri yo`q yozida

Mo`tadil bo`lar iqlim

Bahoriyu kuzida.