T. Xudayshukurov

13. Yo’l etiketi qoidalari 
13.1. Yo’l ketishga tayyorlanish 
 
 
Biznesmenlar  o’z  faoliyati  bo’yicha  respublikaning  boshqa 
mintaqalariga,  xalqaro  biznes  bilan  shug’ullanadiganlar  esa  boshqa 
mamlakatlarga  ham  safarga  chiqishadi.  Ma’lumki  safarga  chiqish  yo’l 
transport  vositalarining  biridan  foydalanishni  taqozo  qiladi.  Bugungi 
kunda uzoq masofalarga safarga borishda vaqtni tejashga imkon beradigan 
transport vositalaridan biri samolyot hisoblanadi. 
 
Safarga  borishda  ham  xalqaro  tajribada  qabul  qilingan  etiket 
qoidalariga  itoat  qilish  talab  qilinadi.  O’zbekiston  fuqarosi  bo’lgan 
biznesmenlar  nafaqat  borgan  joylarida,  yo’lda  ketishda  ham  buyuk  va 
qadimiy  millat  vakillari  sifatida  yuqori  madaniyatli  xalq  vakillari 

---

 
 
116 
ekanliklarini unutmasliklari lozim. Etiket qoidalariga rioya qilish, ayniqsa 
chet  mamlakatlarga  borganda,  katta  ahamiyatga  ega.  Shu  boisdan  ham 
ushbu  bandda  chet  mamlakatlarga  borishda  yo’l  ketish  etiket  qoidalariga 
urg’u  beriladi.  Ushbu  yo’l  qoidalari  O’zbekiston  bo’yicha  safarga 
chiqadigan biznesmenlarga ham to’liq taalluqlidir. 
 
Yo’l  ketish  qoidalariga  itoat  qilish  safarga  tayyorlanishdan 
boshlanadi.  Yo’lga  chiqishdan  oldin  boradigan  mamlakat  va  u  yerda 
yashaydigan  xalqlarning  urf–odatlari  va  rasm–rusumlari  to’g’risidagi 
mavjud ma’lumotlar bilan tanishib chiqish lozim.  
Yo’lga  tayyorlanish  biznesmenning  qiyofasini  tartibga  solishdan  va 
yo’l  kiyimlarini  tanlashdan  boshlanadi.  Biznesmenlar  safarga  chiqishdan 
oldin  soqol-mo’ylovlarini  qirtishlab  olishlari  va  pokiza  yuvinib–
taranishlari  lozim.  Bundan  tashqari  yo’l  va  borgan  joylarida  kiyadigan 
kiyimlarini  tanlashlari  va  ajratib  joylashtirishlari  kerak.  Tanlangan  yo’l 
kiyimlari (ustki va oyoq kiyimlari), birinchidan, yo’lda kiyib ketish uchun 
qulay, toza va dazmollangan, rangi bo’yicha boshqa kishilarning diqqatini 
tortmaydigan  hamda  unda  har  xil  hayvonlar  rasmlari  va  boshqa  rasmlar 
solinmagan bo’lishi kerak.  
Yo’lda kiyiladigan kiyimlar chemondan yoki yo’l sumkasining ustida 
joylashtirilishi lozim, uning sababi kelgusi bandda ko’rsatilgan.  
Safarga tayyorlanishdan tashqari tanishlar va bo’lajak hamkor uchun 
sovg’alar  tanlanishi  lozim.  Sovg’ani  tanlashda  xalqning  urf–odat 
qoidalarini  va  an’analarini  hisobga  olishi  lozim.  Bundan  tashqari 
hamkorlarga  beriladigan  sovg’a  arzon  narxda  va  shu  bilan  birga  orginal 
bo’lishi  kerak.  lekin  savg’ani  berishda  uning  narxi  ko’rsatilgan  qog’oz 
olinib  tanashanadi,  chunki  sovg’a  narxi  bilan  emas,  hamkorga  bo’lgan 
hurmat bilan diqqatga sazovordir.