T. Xudayshukurov

Tayanch iboralar: 
“Kechqurungi  kokteyl”  yoki  “Kechki  ovqat”,  “Smokingli  rasmiy  qabul”, 
“Frakli jiddiy rasmiy qabul” 
 
 
Nazorat savollari: 
1.   “Kechqurungi kokteyl” yoki “Kechki ovqat” qabuliga taklif qilingan 
ayol biznesmenlar qanday kiyinishlari kerak? 
2.  “Smokingli  rasmiy  qabul”  ga  taklif  qilingan  biznesmen  ayollar 
kiyimini bilasizmi? 
3.  “Frakli  jiddiy  rasmiy  qabul”  da  ishtirok  etish  uchun  biznesmen 
ayollar qanday kiyinishlari shart? 
 
5.  Biznes  korxona etikasi 
5.1. Korxona etikasi 
 
 
Biznes  –  korxonaga  ta’rif  berishdan  oldin  korxona  to’g’risida 
ma’lumot  berish  ushbu  band  materiallarini  o’quvchilar  tomonidan  yaxshi 
tushunishga  imkon  beradi.  “Turizm,  mehmondo’stlik,  servis”  lug’at  – 
ma’lumotnomasida  berilgan  tavsifga  ko’ra  korxona  deganda  odamlarning 
talabini  qondirish  va  foyda  olish  maqsadida  mahsulotlar  ishlab  chiqarish, 
ma’lum  bir  ishlarni  bajarish  hamda  xizmatlar  ko’rsatish  uchun  barpo 
etilgan  va  mamlakat  qonunlari  asosida  tashkil  qilingan  va  faoliyat 
qiladigan xo’jalik yuritishning mustaqil obyekti tushuniladi. 
 
Korxona o’ziga xos faoliyat turini mustaqil ravishda amalga oshiradi, 
ishlab  chiqarish  mahsulotiga  va  olgan  foydasiga  o’zi  egalik  qiladi. 
Keltirilgan  tavsifdan  xulosa  qilib,  shuni  ta’kidlash  mumkinki,  biznes  – 
korxona deganda biznes xizmati bo’yicha iste’molchilar talabini qondirish, 
foyda  olish  maqsadida  barpo  etilgan  va  faoliyat  qiladigan  xo’jalik 
yurituvchi  mustaqil  obyekt  tushuniladi.  Biznes  korxonalariga,  biznes 
turiga qarab, biznesmenlar o’z kasbi bo’yicha birlashadi. 
 
Korxona  ta’rifidan  ko’rinib  turibdiki,  uning  oxirgi  maqsadi  foyda 
(daromad) olish va unga egalik qilishdan iborat. 

---

 
 
32 
 
Halollik  (poklik),  ochiq–oydinlik,  berilgan  va’daga  sodiqligi, 
korxona mahsuloti yoki xizmati iste’molchilarini hurmat qilish kabi hamda 
korxona  va  iste’molchi,  biznes–korxonalar,  biznes–korxona  va  davlat 
o’rtasidagi  ahloqiy  mezon  va  me’yorlar  biznes–korxonalarning  etikasini 
tashkil qiladi. Ulardan ko’rinib turibdiki, biznes–korxona iste’molchilarni, 
hamkorlarini va davlatni aldamasdan hamda har qanday nayrang yo’llarga 
o’tmasdan  halollik  bilan  olingan  foydaga  egalik  qilishi  kerak.  Bundan 
tashqari  biznes  korxonalardan  jamiyat  oldida  turgan  maqsadlarga 
erishishga  ko’maklashish  ham  talab  qilinadi.  Shunday  qilib,  biznes–
korxonalar  o’zi  faoliyat  ko’rsatayotgan  jamiyat  oldida  javobgar  bo’lib, 
olgan  foydaning  ma’lum  bir  qismi  jamiyat  ehtiyoji,  manfaati  va  uning 
takomillashishi uchun sarf qilinishi lozim. 
 
Mamlakat iqtisodiy ahvolining holatiga qarab biznes–korxonaga etik 
talablar  turli  darajalarda  qo’yilishi  mumkin.  Masalan,  mamlakatning 
barqaror  iqtisodiyotga  erishish  davrida  biznes–korxonalarning  ushbu 
sharoitlarga  moslashish  va  omon  qolish,  ish  joylarini  va  malakali 
xodimlarni  saqlab  qolish,  foyda  olish  hamda  raqobatbardosh  bo’lish 
talablari  qo’yiladi.  Mamlakat  iqtisodiyotining  barqarorlashi  bilan  biznes–
korxonalar  oldiga  qo’yiladigan  etik  talablarining  mohiyati  yanada  oshadi 
va  kengayadi.  Masalan,  barqaror  iqtisodiyot  davrida  biznes–korxonalar 
oldiga  muhtojlarga  (bolalar  uyi,  qariyalar  uyi,  pensionerlar,  nogironlar  va 
boshqalar)  yordam  berish,  korxonaning  sosial  javobgarlik  darajasini 
yanada  oshirish  va  yangi  ish  joylarini  tashkil  etish  talablari  qo’yiladi. 
Sosial javobgarlik deganda biznes–korxonaning ixtiyoriy ravishda korxona 
xodimlarining,  qishloq,  shahar  va  o’z  mamlakati  aholisining  sosial 
muammolarini hal qilishga yordam berishi tushuniladi.