T. Qayıpbergenov shıǵarmalariında feyillerdiń qollanılıwı Kirisiw І bap. T. Qayıpbergenovtıń shıǵarmalarında feyiller II bap. Feyil tiykarlı qospa feyiller

Ót. Bul feyil, tiykarınan, hal feyildiń –ıp / -ip/-p túri menen qosılısıp qospa feyil jasaydı: kesip ót, jarıp ót, aydap ót, irkilip ót, toqtap ót, sóylesip ót, aytıp ót, kórsetip ót, t.b. Mısalı: Ol eski lawzannıń jaǵasındaǵı qamıs aralas ósken jıńǵıllıqtı jarıp ótti. Báhárdiń kúnleri sharwalar bul jerlerden tawǵa qarap súriw-súriw padalardı aydap ótedi .Bul mısallarda kesip óttik, jarıp ótti, aydap ótedi qospa feyilleriniń quramındaǵı ót feyili háreketlik mánisin saqlaǵan. Onıń háreketlik mánisiniń saqlaǵanlıǵı sol feyildiń is-háreket iesiniń qandayda bir orınǵa ótiw prossesi arqalı málim boladı. Bunday jaǵdayda tiykarǵı leksikalıq máni tek dáslepki komponent arqalı ǵana bildirilip qoymaydı, sol mániniń bildiriliwine eki komponentte teńdey qatnasadı.