T. Qayıpbergenov shıǵarmalariında feyillerdiń qollanılıwı Kirisiw І bap. T. Qayıpbergenovtıń shıǵarmalarında feyiller II bap. Feyil tiykarlı qospa feyiller

Qoy. Bul feyil, kóbinese hal feyildiń –ıp/-ip,-p formalı túri menen qosılısıp, qospa feyil jasaydı. Biraq qoy feyiliniń óziniń leksikalıq mánisin saqlap qospa feyil jasaw órisi feyildiń analitikalıq formasınıń basqa túrleriniń jasalıwına qaraǵanda ónimli emes. Bul feyil qospa feyil jasap kelgende, onıń is hareketi beigili bir predmettiń qanday da bir orınga qatnaslıǵın yamasa qoyılǵanın bildiredi.

Jiber. Bul feyil qospa feyildiń quramında óziniń leksikalıq mánisin saqlap qollanıladı. Bunday jaǵdayda subekttiń hareketi qaratılǵan obektti basqa orınǵa jiberiw, jóneltiw háreketi ańlasıladı. Mısalı: Qoradaǵı baylawlı mallardı bosatıp jiberdi.

Tasla feyili geypara feyiller menen qosılısıp kelgende leksikalıq mánisin saqlap qollanıladı. Bunday jaǵdayda onıń qospa feyil jasaw múnkinshiliginiń bar ekenligi bayqaladı: shıǵarıp tasla, jırtıp tasla, julıp tasla, kesip tasla, t.b. Mısalı: Jılga –saylar suwǵa tolıp, sabınday kópirgen suwdıń páti jolında dus kelgen shırshalardı túbiri menen qoparıp, tastan–tasqa shıǵarıp tasladı. Ol atızdaǵı jabayı shóplerdi julup tasladı.