Т о ш к е н т «маънавият» 2012

Сени аяб...
Сен алдасанг, мен алданмадим,
Сен ғуссали, мен — қушдай енгил. 
Саналгандир босган ҳар одим, 
Булутсиз кўк каби ҳозир дил.
Сен дейсанки: «Аттанг!» Мен асло... 
Аммо босириқ босгандай баъзан. 
Улар кетди битгач мудцао,
Аммо сени аяб кетдим ман.
286

---

Тақиллатсам..
Кичик уйда ўчмаган чироқ, 
Биламанки, сен ҳали уйғоқ. 
Париш онсан, хаёллар тарқоқ,
Тун яримдан анча ўтган чоқ, 
Биламанки, сен ҳали уйғоқ.
Биламанки, ўқийсан китоб,
Ш еърим сени этади кабоб.
Оҳ чекасан, битар тоқат-тоб, 
Биламанки, ёд бўлган бир боб, 
Ш еърим сени этади кабоб.
Ю рагингда уйғонур у соз, 
Тақиллатсам, берасан овоз, 
Хаёлингда — қиш инг бўлар ёз,
Аммо, қайтиб кетаман... Аёз... 
Тақиллатсам, берасан овоз.
Биламанки, чиқмас кўнглингдан,
Не ёмонлик кўрдинг сен мендан?
Шу важданки, ҳар кун синглимдан — 
Сўроқлайсан аҳволимни сан...
Не ёмонлик кўрдинг сен мендан?..
Бугун йўлда...
Бугун йўлда дуч келганингда,
Нега бирдан тўхтадинг, жонон? 
Эринг келар эди ёнингда,
Сал қолдики, чақирсанг: «Тошлон!»
Нега назар ташладинг қиё,
Не истадинг мендан кўчада?
Сал қолдики, имласанг: «Бу ён!» 
Яхши, боркан ўша тўп сада...
М ен панага олдим ўзимни,
Сен йўлингга тушдинг ҳайтовур, 
Кўрмаганга солдим ўзимни,
Ж анжал бўлар албатга бир қур.
Ш ўрлик Тош лон, бечора Тошлон! 
Ғамдийда, ҳе, кўзларим, ёшлан!..
287

---

Амон!..
Худди шундай эрта баҳорда 
Учрашгандик икков кечқурун. 
Айрилгандик эрта саҳарда,
Ҳали иссиқ кўринур ўрин...
Ҳамон ўша чинор — ям -яш ил,
Дарё бўйи - зумрад соябон...
Безовта бўлди андак дил,
Амон, хаёл — Амон, алъамон!..
Болажон
Эй... кўзларинг мунча ҳам қийиқ,
Мунча қийин, мунча бетийиқ, 
Киприкларинг мунча ҳам қуюқ,
Ўғлимга ўхшайсан, болажон!
Билмас ҳатго яқин ҳамхонанг,
Очармиди юрагин онанг?
М ен-чи... М ен-чи... М ен-чи, бегонанг... 
Ўғлимга ўхшайсан, болажон!