T. N. Qori Niyoziy nomidagi O‘zpfiti mustaqil izlanuvchisi

---

Academic Research in Educational Sciences 
VOLUME 2 | CSPI CONFERENCE 3 | 2021 
 
Zamonaviy ta'limda matematika, fizika va raqamli texnologiyalarning dolzarb muammolari va yutuqlari 
Toshkent viloyati Chirchiq davlat pedagogika instituti 
Google Scholar 
Scientific Library of Uzbekistan 
Academic Research, Uzbekistan 108 www.ares.uz 
PEDAGOGIK AMALIYOT JARAYONIDA BO‘LAJAK FIZIKA 
O‘QITUVCHISI KOMPETENTLIGINI SHAKLLANTIRISH MASALASI 
 
Shaxlo Rafikjonovna Qo‘qonboyeva 
 
T.N.Qori Niyoziy nomidagi O‘zPFITI mustaqil izlanuvchisi
 
Pedagogika ta'lim sohasi talabalarining malakaviy pedagogik amaliyotini tashkil 
etish tartibi to‘g‘risidagi Nizom “Oliy ta'lim muassasalarida ta'lim sifatini oshirish va 
ularning mamlakatda amalga oshirilayotgan keng qamrovli islohotlarda faol 
ishtirokini ta'minlash bo‘yicha qo‘shimcha chora-tadbirlar to‘g‘risida” 2018 yil 5 
iyundagi PQ-3775-son qarorlariga muvofiq oliy ta'lim muassasalari (keyingi 
o‘rinlarda – OTM) bakalavriat ta'lim yo‘nalishlari sinov-tajriba asosida malakaviy 
pedagogik amaliyoti (keyingi o‘rinlarda MPA deb yuritiladi)ni o‘tash tartibini 
belgilaydi. [1] 
Hozirgi zamon o‘qituvchisi qanday sifatlarga ega bo‘lishi lozim? Avvalo, 
o‘zining pedagogik faoliyatini doimiy takomillashtirib borishi, kasbiy sifatlarini 
rivojlantirishi, o‘z-o‘zini nazorat qilish va baholash malakasini egallashi, yangi 
pedagogik g‘oyalarni ishlab chiqa olish, zamonaviy axborot texnologiyalarini dars 
jarayonida qo‘llash ko‘nikma va malakalariga ega bo‘lishi, o‘z imkoniyatlarini 
ob’yektiv baholay olishi zarur. Kompetentli o‘quvchini tayyorlashda pedagogika oliy 
o‘quv yurtlarini bitirayotgan bo‘lajak o‘qituvchilarning o‘zlari ham kompetent 
pedagog bo‘lib yetishib chiqishlari zaruriy shart hisoblanadi. [2]
 
Bo‘lajak fizika o‘qituvchilarini tayyorlashning muhim bosqichlaridan biri 
pedagogik amaliyot sanaladi. Oliy ta’lim muassasasi auditoriyasida egallangan 
nazariy bilimlar, ko‘nikma, malaka va kompetensiyalar maxsus ta’lim muassasalarida 
amaliyot davomida sinovdan o‘tadi, rivojlantiriladi. 
Pedagogika oliy ta’lim muassasalari bakalavriat talabalarining pedagogik 
amaliyoti muammosi talabalarning kasbiy kompetensiyalarini shakllantirishga 
qaratilgan yangi davlat ta'lim standartlarini joriy etish munosabati bilan dolzarbdir. 
Bo‘lajak fizika o‘qituvchilarining kasbiy kompetensiyalarini shakllanganlik 
darajasini aniqlash maqsadida Respublikamining turli hududlarida joylashgan oliy 
ta’lim muassasalarida pedagogik eksperiment o‘tkazildi. 
Eksperiment o‘tkazishdan yana bir asosiy maqsad quyidagilardan iborat edi: 

Talabalarning oliy ta’lim muassasasida o‘qish jarayonida egallagan bilim, 
ko‘nikma, malaka va kompetensiyalarga qay darajada ega bo‘lganliklarini va 
mustaqil pedagogik faoliyatga qanchalik darajada tayyor ekanliklarini aniqlash; 

Ishlab chiqilgan anketalar talabalarning kasbiy kompetensiyalarini qanchalik 
darajada to‘g‘ri ko‘rsatishini aniqlash; 

Oliy ta’lim muassasasida va undan tashqarida yaratilgan pedagogik shart-
sharoitlarni tashxislash; 

---