T me/akrommalik

T.me/akrommalik 
 
www.facebook.com/akrom.malik2020 
 
–  Аlixonto‘ra  Sog‘uniy  janoblari  bir  suhbatlarida  juda  achingan 
ekanlar. Yoqubbek tuzgan Yettishaharning tanazzuli Uy
g‘urlar hurriyatining 
tugashi  b
o‘ldi,  deb.  Xitoyda  yaqin  –yaqingacha  ahvol  og‘ir  edi.  Mao  Sze 
taxtga  chiqmasidan  avval  Uy
g‘ur  davlati  tuzishning  qulay  fursati  bo‘lgan. 
Аfsus,  qo‘mondonimiz  Аlixonto‘ra  janoblarining  buyuk  niyatlari  amalga 
oshmadi. Eshitishimcha, hozir Toshkentda emishlar? 
– deb so‘radi otam. 
– Ha, Toshkentda. Ko‘kcha mahallasida istiqomat qilayotgan ekanlar, 
– deb javob berdi iyagida uch –to‘rt soqoli bor bir odam. 
– Sihhatlari qanday ekan? – so‘radi yana otam. 
–  Biroz  betob  ekanlar.  Shunga  qaramay  ilm  berishdan,  ijoddan 
t
o‘xtamayotgan  ekanlar.  «Tarixi  Muhammadiy»  nomli  siyrat  asarini 
yozibdilar.  Temur  Ko
‘ragonning  «Tuzuklar»  kitobini  forsiydan  turkiyga 
o‘giribdilar.  Shu  kunlarda  «Turkiston  qayg‘usi»  degan  bir  asar  yozyaptilar, 
deb eshitaman, 
– javob berdi boyagi odam. 
– Аlloh xayrli etsin! – duo qildi otam. – U kishi Sharqiy Turkiston Islom 
jumhuriyatini  eʼlon  qilganlarida  qo‘llarida  ellik  ming  mujohid  bor  edi.  U 
kishini 
o‘g‘irlab  ketishgach,  ko‘p  dilxiraliklar  bo‘ldi.  Janobga  itoatda 
yurganlar 
o‘zaro  ixtilof  etishdi.  Xitoy  tortib  kelgan  armiya  qarshisida 
tumtaraqay b
o‘ldilar. 
Holbuki, 
Аlixonto‘ra bu qo‘shinni boshlab chiqqanida har bir askar bir 
sher  edi.  Xitoy  armiyasi  chumchuqday  qochgan  edi...  U  ulu
g‘  voqealar 
bugun bir 
o‘tmish. Bir o‘tmish, kelajak undan ibrat olmog‘i lozim. 
 
– Biz nima uchun bu imkonni boy berdik deb ko‘p o‘ylanaman, – dedi 
tinglovchilar orasidan yana bir kishi. 
 
–  Bu  neʼmatga  loyiq  bo‘lmadik,  –  dedi  otam.  –  Hurriyatga,  bir 
Davlatga, bir Y
o‘lboshchiga munosib emas edik, Аlloh bizni mahrum etdi. 
 
–  Qanday  qilib munosib  bo‘lish mumkin?  –  yana savol berdi  boyagi 
odam. 

---