T. A. Ochilov, B. B. Axmedov, S. U. Patxullayev, F. R. Taniberdiev, sh. S. Mengnarov

Kapron tolasining asosiy xususiyatlari. Kapron cheksiz uzunlikdagi ip va qirqilgan shtapel’ tola kо‘rinishida ishlab chiqariladi. Iplar esa monoip va tо‘da (kompleks) ip bо‘lishi mumkin. Tо‘da iplarda elementar iplar soni ishlab chiqariladigan ipning yо‘g‘onligiga bog‘liq (8-60). Monoipning yо‘g‘onligi 1,67-5 teks (№200-600) bо‘ladi. Nisbiy pishiqligi Rn=50 gk/teks. CHо‘ziluv-chanligi esa n=18-32 %. Gigroskop-ligi 4 %, t=65^0S haroratda kapron pishganligini yо‘qota boshlaydi. Ishqor ta’siriga chidamli. Kislotaga chidamsiz.

Kamchiligi esa, tolasi juda silliq, yaxshi ilashmaydi, ishqalanish kuchi kam. Boshqa tolalar bilan aralashtirilgan vaqtda silliqligi tufayli material yuzasiga chiqib ishqalanish natijasida pilling (tugunchalar) hosil bо‘ladi. О‘ziga kam namlikni tortadi. Ayrim kamchiligini (silliqligini) kamaytirish uchun tolalar silindrik kо‘rinishda emas, balkim har xil shaklda ishlab chiqariladi. Yaltiroqligini kamaytirish uchun esa okis titan degan poroshok qо‘shiladi.