Сурхондарё вилоят педагог кадрларни қайта тайёрлаш

Dars jarayoni va uning bosqichlari:

Ishning nomi	Bajariladigan ish mazmuni	Metod	Vaqt Min.
1-bosqich: Tashkiliy qism	Davomatni aniqlash		5
2-bosqich: Refleksiya. Ehtiyojlarni aniqlash.	Mavzu bo`yich savol-javob orqali tinglovchilarning ushbu mavzuga tayyorligi va ehtiyojlarini aniqlash	Aqliy hujum, Venn diagarmmasi	10
3-bosqich: yangi mavzu bayoni	Yangi mavzu bilan tanishtirish.	Ma`ruza, bayon	35
4-bosqich: Amali mashg`ulot	Crocodile Chemistry dasturi bilan tanishtirish.	Kichik guruhlarda ishlash	10
5-bosqich: Amaliy mashg`ulot	Crocodile Chemistry dasturida laboratoriya ishi yaratish	Amaliy (mustaqil ishlash)	10
6-bosqich: Mustahkamlash	Xulosa (savol-javob, fikr-mulohazalar va takliflar)	Interfaol(jamoaviy)	10

Kimyo xonasiga qo`yiladigan asosiy talablar quyidagilardan iborat:

• 
  1. Ilmiy metodik. Kimyo xonasi kimyo mazmuni, didaktika, psixologiya va tarbiya nazariyasi talablariga javob bera oladigan bo`lishi kerak.
  
• 
  2. Xavfsizlik texnikasi va gigienik talabda kimyo xonasi mehnatni ilmiy tashkil qilish, o`qituvchi va o`quvchilar sog’ligini saqlashga javob bera olishi kerak.
  
• 
  3. Texnik, texnologik va iqtisodiy. Xonadagi jihozlar tayyorlanishi bo`yicha oddiy qimmat bo`lmagan materiallardan tayyorlangan, xizmat qilishi bo`yicha ishonchli va ko`pga chidaydigan bo`lishi kerak.
  
• 
  4. Maxsus talablarga javob bera olish kerak. Ularga tez o`t oladigan organik moddalar, suv bilan shiddatli reaktsiyaga kirishadigan ishqoriy metallar va shunga o`xshash boshqa moddalar po`lat shkaflarda saqlanishi kerak. Gazlar bilan ishlashda maxsus mo`rili shkaflarda ish olib borilishi kerak. Kimyo xonasida tajribalar olib borish uchun suv va elektr tarmoqlari bilan ta’minlangan bo`lishi kerak.
  

Kimyo xonasi ikki qismdan iborat bo`lib, birinchi xonada o`qituvchi uchun joy o`quv jihozlari va reaktivlar saqlanadigan shkaflar va o`qitishning texnika vositalari joylashtiriladigan stollar bo`lishi kerak.
O`qitish jihozlarini to`rt guruhga bo`lish mumkin:

• 
  1. Natural ob’ektlar bo`lib ularga, reaktivlar, idishlar, asboblar metallar va minerallar kollektsiyasi hamda qurilmalarni tayyorlash jihozlari kiradi.
  
• 
  2. Natural ob’ektlarning tasvirlari modellar, maketlar, ekran qo`llanmalari.
  
• 
  3. Turli jadvallar, plakatlar va stendlar kiradi.
  
• 
  4. O`qitishning texnik vositalari, kinofilьmlar, elektron darslik va qo`llanmalar.
  

Kimyo xonasinining ikkinchi qismi, o`quv jarayonini amalga oshiradigan xona hisoblanadi. Bunda o`qituvchi dars olib boradigan katta stolda namoyish qilinadigan tajribalar o`tkaziladi. U suv, elektr tarmoqlari bilan ta’minlangan bo`ladi va uning yon tomoniga mo`rili shkaf o`rnatilishi kerak.
Kimyo xonasida yong’indan saqlanishning hamma vositalari bo`lishi zarur.
Laboratoriya va amaliy mashg’ulotlarni o`quvchilar halat, maxsus bosh kiyim va himoya ko`zoynaklarni kiyib bajarishlari shart.
Kimyo o`quv-laboratoriya xonasidagi o`quv jihozlarini joylashish tartibi:

• 
  Kimyo o`quv-laboratoriya xonasi texnik xujjatlarining moslik sertifikati va sanitariya-gigiena sertifikati bo`lgan, Davlat me’yorlariga mos maxsus mebellar komplekti bilan jihozlangan bo`lishi shart.
  

Xonada:

• 
  o`qituvchi ish joyini tashkil etuvchi;
  
• 
  o`quvchi ish joyini tashkil etuvchi;
  
• 
  o`quv-ko`rgazmali qurollarni va o`quv-laboratoriya asbob-uskunalarini saqlash imkonini beruvchi;
  

• 
  texnik vositalarini saqlovchi mebel va jihozlar bo`lishi lozim.