Sultonmurod Olim, Sunnat Ahmedov, Rahmon Qo‘chqorov

(qahqaha solib kuladi)
Mayli, bizlar hurriyatning fidoyilari,
Hurriyat deb bandilikka ko‘ngan erkinlar.
Ammo, Mirzo, men zindonning hatto qa’rida 
Sizning baland fahmingizdan boldim xabardor.
Istasangiz tiz cho'kayin oyog'ingizga,
Sizga, buyuk qalbli inson, ulug‘ munajjim!
Ammo, sulton Ulug‘bekka, sohibi tojga
Bosh egmayman, egolmayman, yo‘q, egolmayman!..
Samarqand. G o‘ri Amir. Temurning maqbarasi. U 1 u g‘ b e к kirib keladi, 
orqasida mash’al ko‘targan ikki m a h r a m .
U 1 u g‘ b e к
Shu — qirq yillik andishaga alamli yakun,
Ketib qoldi zamonadan diyonat, rostlik.
Mudhish bir jar yoqasida turmish mamlakat,
Zulmatli tun qo‘nayotir yurtning ufqiga.
Bobo Temur, omonating saqlayolmadik,
Avlodlaring chiqib qoldi g‘oyat noqobil.
Bobo Temur, tirigingda o'zing va so'zing 
Ulkanlikda sig‘mas edi shu yer yuziga.
Endi nega maydalandi Temur urng'i,
Endi nega razillashdi hokimlar ruhi.
Endi nega mirzolarning ko'zlari ojiz,
Qulog‘i kar, idroki bo‘sh, iroda kuchsiz...
Ulug‘bek qabrga engashib chuqur xayolga botadi. Birdan Temur tobuti qarsillab 
ochilgani eshitiladi. Sag‘anani tutunbosib, mash’al o ‘chadi. Shu paytda 
sahnaning orqa pardasida soyalar qo‘ynida bir balandlikda A m i r T e m u r -
ning mujassam qomati paydo bo‘ladi. Uning qiyofasi haybatli. Qo‘lidagi uzun 
qilichini havoda o‘ynatib, qahqaha urib yuboradi.
T e m u r a r v o h i
Yer yuzida buzilganga o‘xshar intizom.
Avlodimdan sohibqiron chiqolgan kim bor?
Men to'ldirgan ummonlarning savlati qani?
Qani o'shal qutumvchi yoldor dengizlar?
Ummonlarning o'rnida men ko‘raman 
Bir hovuzki, kaftimga ham qiladi kamlik.
Men oltmish yil ot belidan tushmadim, toki,
Ilalabad avlodlarim bo‘lsin jahongir.

---

Har kun besh bor aytar edim: butun yer yuzi 
Torlik qilar: sig'dirolmas ikki podshohni,
Ammo, bugun ko'ramanki, ellik shohga ham 
Kenglik qilar, ortib qolar shu latta dunyo...
0 ‘g‘lim, sening irodangni yeb qo'ydi kitob.
Sipohiylik rasmlarin qilmayin pisand,
Yulduzlarning qo'shiniga bo‘lding farmondor.
Osmoniy o'lkalarni olmoqchi bo‘lib,
Yerdagi naqd diyoringni boy berding qo'ldan...
Shu asnoda birdan sahna orqasi yorishib ketishi bilan T e m u r yer tagiga
cho‘kib ketadi.
U 1 u g‘ b e к