"Sug‘urta asoslari"

Sug‘urtadagi maxsus risklarni ayting va sharhlang.

Risklarning turkumlanishi deganda nima tushuniladi va ular qanday mezonlar bo‘yicha turkumlanadi?

Riskni boshqarishning mazmuni nimadan iborat?

Riskni boshqarishda menejmentning roli va o‘rnini tushuntiring.

Riskni boshqarish usullarini tushuntiring.

Riskni boshqarishda sug‘urtaning ahamiyatini tushuntiring.

2. mavzu. Sug‘urtaning asosiy tushunchalari va tamoyillari

Ko‘riladigan masalalar

1. 
   Sug‘urtaning tashkiliy qirralarini ifodalovchi atamalar
   
2. 
   Sug‘urta fondining shakllanishi bilan bog‘liq atamalar
   
3. 
   Sug‘urta mablag‘larining sarflanishi bilan bog‘langan atamalar
   
4. 
   Amaliyotda qo‘llaniladigan xorijiy atamalar
   

1. Sug‘urtaning tashkiliy qirralarini ifodalovchi atamalar

Sug‘urtani amalga oshirish jarayonida sug‘urta ishtirokchilarining turlicha sug‘urtaviy manfaatlarini namoyon bo‘lishi, sug‘urtaga tegishli obyektlarning turlichaligi, sug‘urta hodisalarining keng ko‘lamliligi va boshqa omillar bilan bog‘liq bo‘lgan murakkab spetsifik munosabatlar yig‘indisi yuzaga keladi. Shu munosabat bilan u yoki bu konkret sug‘urta munosabatlarini maxsus terminologiya yordamida aks ettirish zaruriyati tabiiydir.

Sug‘urta terminologiyasi yordamida sug‘urtalovchi va sug‘urtalanuvchilar o‘rtasida bir tilda suhbat olib borish, sug‘urta shartlarini tushunish, unda ishtirok etayotgan tomonlarning huquq va majburiyatlarini aniqlash, sheriklar bilan amaliy munosabatlarni olib borish, reklama va boshqa sug‘urta ishlarini amalga oshirish mumkin bo‘ladi.

Sug‘urtaning tashkiliy atamalariga quyidagilar kiradi.

•