Суд амалиётини умумлаштириш материаллари тўплами (кўчирмалар)

2. БК 112-моддасининг биринчи ва иккинчи қисмларига 
асосан ушбу Кодексга мувофиқ тўланмаган божхона тўловлари 
божхона органи томонидан сўзсиз тартибда ундирилади, то-
варларни нотижорат мақсадларида олиб ўтадиган жисмоний 
шахслардан ундириладиган тўловлар бундан мустасно бўлиб, 
улар қонун ҳужжатларида белгиланган тартибда ундирилади. 
Тўланмаган божхона тўловлари, тўламаганлик факти қачон 
аниқланганлигидан қатъи назар, ундирилиши лозим.
«Navoiyazot» оаж хўжалик судига мурожаат қилиб, навоий 
вилоят божхона бошқармасининг 9 211 105 сўм ундириш тўғрисида 
2008 йил 11 апрелдаги инкассо топшириқномасини ижро этилиши 
мумкин эмас деб топишни сўраган.
биринчи инстанция судининг ҳал қилув қарори билан даъво 
қаноатлантирилган.
иш апелляция инстанцияси судида кўрилмаган.
кассация инстанцияси судининг қарори билан ҳал қилув 
қарори бекор қилиниб, даъвони рад этиш ҳақида янги қарор қабул 
қилинган.
аниқланишича, «Navoiyazot» оаж буюк британиянинг 
«Purolite International LTD» компаниясидан 2004 йил 11 октябр-
даги контракт асосида маҳсулотни Ўзбекистон Республикаси 
ҳудудига импорт қилган ва 2006 йил 20 февралда навоий вилоят 
божхона бошқармаси орқали эркин муомала режимига расмий
-
лаштирилган.
Ўзбекистон Республикаси давлат божхона қўмитаси томо
-
нидан 2007 йил 22 декабрда ўтказилган тафтишда юқоридаги 
маҳсулотларни импорт қилишда 9 211 105 сўм импорт божи ва 
ҚҚс кам тўланганлиги аниқланган. шу сабабли, навоий ви
-
лоят божхона бошқармаси кам тўланган божхона тўловларини 
ундириш мақсадида даъвогарнинг ҳисоб рақамига инкассо 
топшириқномасини қўйган.
бундан норози бўлган «Navoiyazot» оаж ушбу инкас
-
со топшириқномасини ижро этилиши мумкин эмас деб топиш 
тўғрисида мурожаат қилган.

---

554
биринчи инстанция суди даъвони қаноатлантириш ҳақида 
барвақт хулосага келган.
Чунки Ўзбекистон Республикаси адлия вазирлигида 1999 
йил 30 июлда 787-сон билан рўйхатга олинган «товарлар иш
-
лаб чиқарилган мамлакатни аниқлаш Қоидалари»нинг 4.1 ва 4.2-
бандларида Ўзбекистон Республикасига бошқа мамлакатлардан 
экспорт ёки реэкспорт мамлакатининг ваколатли органи томони
-
дан берилган товарнинг ишлаб чиқарилиши тўғрисидаги серти
-
фикат билан биргаликда реэкспорт режими асосида келиб тушган 
товарларга Ўзбекистон Республикаси ташқи иқтисодий алоқалар 
вазирлиги томонидан ст–1 бланклари ёки «а» шакли бўйича бе
-
рилган товарнинг ишлаб чиқарилиши тўғрисидаги тасдиқнома бе
-
рилиши белгиланган.
«Navoiyazot» оаж Руминияда ишлаб чиқарилган маҳсулотни 
буюк британия орқали олиб келган ва маҳсулотнинг иш
-
лаб чиқариш мамлакатини аниқлаш тўғрисидаги сертификат 
юқоридаги Қоида талабларига кўра расмийлаштирилмаган.
Юқорида қайд этилган Қоиданинг 2.9-бандида керак
-
ли тартибда расмийлаштирилган товарнинг ишлаб чиқарилиш 
тўғрисидаги сертификат ёки сўралган маълумотлар тақдим этил
-
магунига қадар товар мазкур давлатда ишлаб чиқарилган деб 
ҳисобланмаслиги, ушбу Қоидаларини ҳисобга олган ҳолда келиб 
чиқиши ишончли тартибда белгиланмаган товарлар Ўзбекистон 
Республикасига Ўзбекистон Республикасининг божхона тарифи
-
нинг энг юқори ставкалари бўйича божларнинг тўланиши билан 
киритилиши белгиланган.
Қайд этилганларга кўра, судлов ҳайъати ҳал қилув қарорини 
бекор қилиб, даъвони рад этиш ҳақида янги қарор қабул қилган.