Standartlari

Mustaqil ishi mavzusini tanlash

«Moliyaviy hisobotning xalqaro standartlari» fanidan mustaqil ishini muvaffaqqiyatli bajarilishining muhim omili – bu talabaning o’z qiziqishi va qobiliyatiga qarab mos mavzuni tanlashi hisoblanadi. Shuning uchun ushbu bosqichda talaba mavzu tanlashda sinchkov va ma’suliyatli bo’lishi lozim.
Mustaqil ish mavzulari kafedra tomonidan ishlab chiqiladi va fanning ishchi dasturi tarkibida tasdiqlanadi. Mavzular soni talabalar sonidan ko’p bo’lishi kerak, ularning yo’nalishi o’quv dasturi doirasida va talabaning qobiliyati hamda imkoniyatlari darajasida bo’lishi kerak.
Mustaqil ish mavzusi talabalarni nazariy bilimlarini mustahkamlashga va ijodiy fikrlashga qaratilgan bo’lishi bilan bir qatorda, bozor iqtisodiyoti sharoitidan kelib chiqib belgilanishi kerak.
Mustaqil ish rahbari talabaga tanlangan mavzu bo’yicha mustaqil ish topshirig’ini rasmiylashtiradi va kafedra mudiri tasdiqlagandan so’ng topshiriqni talabaga beradi.
Mustaqil ish topshirig’ida talabaning ismi sharifi, mutaxassisligi, bosqich, guruxi, fan nomi, mustaqil ish mavzusi, topshirish muddati bilan bir qatorda adabiyotlar ro’yxati, me’yoriy hujjatlar va shu kabilar aks etishi lozim.
Mustaqil ishni bajarish jarayonida mustaqil ish mavzusini o’zgartirish yoki boshqa mavzu tanlanishiga ruxsat etilmaydi.
Mustaqil ish mavzusini tanlash tartibi talabalar uchun ixtiyoriy, lekin guruhda bir mavzuni ikkita talaba yozishi mumkin emas.

Talabalar mustaqil ta’limining mazmuni va hajmi

«Moliyaviy hisobotning xalqaro standartlari» fanidan talaba mustaqil ishining maqsadi – o’qituvchining rahbarligi va nazorati ostida talabada muayyan o’quv
ishlarini mustaqil ravishda bajarish uchun zarur bo’lgan bilim va ko’nikmalarni shakllantirish va rivojlantirishdir.
Mustaqil ish ayrim nazariy modullarni o’quv adabiyotlari yordamida mustaqil o’zlashtirish, berilgan modul bo’yicha referat tayyorlash, keys-stadilar tayyorlashda ishtirok etish, ilmiy maqolalar yozish, anjumanlarda tezislar tayyorlash, berilgan modullar bo’yicha kompyuter dasturlarida taqdimotlar tayyorlash shaklida tashkil etiladi.