Sport pedagogik maxoratini oshirish

Bir maromlilik va oqilona yondashuv qoidasi- har xil tuzilmaviy guruhlar elementlarining navbatlashuvini ko’zda tutadi. Demak, sakrashlar, piruetlar va gimnastikaga xos boshqa elementlar akrobatik bog’lamlar bilan mantiqan navbatlanishi lozim. Murakkab, kaskadli va havfli elementlarni taqsimlashda gimnastikachi uchun sub’yektiv qulaylik hissini ham e’tiborga olish lozim. Masalan, gimnastikachi uchun akrobatik seriyani xodaning aynan boshidan oxiriga qarab ijro etish qulayroq, aslo aksincha emas.

Tanlangan elementlarni joylashtirayotganda, xoda butun uzunligini harakatlari bilan to’ldirishga intilish, bunda bezak sifatidagi harakat va holatlar uchun joy muljallab qo’yish kerak.

Ko’pincha rejalashtirilgan element va bog’lamlarning hammasi beshta chiziqqa sig’may qoladi. Bunday holatlarda qayta siljishlarga masalan, xodaning boshidan o’rtasiga borib yana boshiga qaytishiga yo’l qo’yiladi. Ammo bunday siljishlar bilan suyiste’mol qilib bo’lmaydi (ko’pi bilan ikkita ketma – ket chiziqda), aks holda gimnastikachi xuddi har doim xodaning bir tomonda, go’yo bir joyda turganday taassurot uyg’onadi.