Spirtdan etilen olish va xossalarini o’rganish

Spirtdan etilen olish va xossalarini o’rganish

Reaktiv va materiallar: etil spirt, sulfat kislota, «qaynatar» (sopol bo’laklari).

P

robirkaning chorak qismiga 1 og’irlik qism etil spirti va uch og’irlik qism konsentrlangan sulfat kislota solinadi (1:3). Aralashma bir tekis qaynashi uchun probirkaga chinni siniqlarini soling.

Probirkaning og’zini gaz o’tkazgich nay o’rnatilgan tiqin bilan berkiting. Aralashmani suyuqlik probirkadan otilib chiqmasligi uchun asta qizdiring. Bunda probirkadagi aralashma qorayadi, ya’ni etil spirti suvsizlanib, etilen hosil bo’ladi, reaksiya ikki bosqichda boradi:

Bromning etilenga birikishi
Reaktiv va materiallar: bromli suv, probirka.
Hosil qilinayotgan etilen gaz o’tkazgich nay orqali bromli suv quyilgan probirkaga tushiriladi. Bromli suv rangsizlanadi, chunki brom qo’shbog’ hisobiga birikib, dibrometan hosil bo’ladi:

1,2-dibrom metan

Etilenni oksidlash
Reaktiv va materiallar: kaliy permanganatning 10%li eritmasi, 1%li soda eritmasi; probirka.
Ajralib chiqayotgan etilenni ozgina soda qo’shilgan kaliy permanganat eritmasi (2ml) orqali o’tkazing, natijada eritmaning rangi yo’qoladi, chunki suvda eruvchan rangsiz etilenglikol hosil bo’ladi. Hosil bo’ladigan qo’ng’ir rangli ikkilamchi mahsulot marganes-(IV)-oksid kristallaridir. Bu rang eritmaga ham ta’sir etgan bo’lishi mumkin:




Etilenning yonishi
Reaktiv va materiallar: hosil bo’layotgan etilen; tigel.
Nay uchidan chiqayotgan etilen yondiriladi. Etilenni yondirayotganda, uning alangasi metan alangasiga qaraganda ravshan bo’lishiga ahamiyat bering. Etilen alangasiga kiritilgan tigel qorakuya bilan qoplanadi.