So‘z boshi

I. Tashkiliy qism:

– o‘quvchilarning davomati aniqlanadi.

– o‘quvchilarning darsga tayyorgarligi tekshiriladi.

II. O‘tilgan mavzuni mustahkamlash. Aqliy hujum. O‘quvchilarga slaydda quyidagi topshiriq beriladi. O‘quvchilar topshiriqni o‘qiydilar va javob beradilar.

Agar sizga tanlash imkoniyati berilsa qaysi birini sotib olgan bo‘lar edingiz? Bittasini tanlang.

Kitob

Muzqaymoq sotib olmoq

Shokolad
O‘qituvchi har bir o‘quvchidan so‘raydi va tanlaganlarini daftarlariga yozishlarini so‘raydi.

III. Yangi mavzuning bayoni.

Bozor mavzusida videolavha ko‘rsatiladi. Hozirdagi zamonaviy bozorlar ko‘rinishi tasviri paydo bo‘ladi va quyidagi izoh beriladi. “Bozor-savdo-sotiq qilinadigan joy. Har bir mamlakatda, uning shahar, qishloq markazlarida, gavjum joylarida bozorlar bo‘ladi. Bozorlarda nimalar sotilishiga qarab ularga nom berilgan: qishloq xo‘jalik mahsulotlari bozori, yoyma bozor, mol bozori, ko‘chat bozori, mashina bozori.

Videolavha asosida 1-topshiriq bajariladi. O‘qituvchi matnni o‘qib beradi. So‘ngra o‘quvchilar zanjir usulida o‘qiydilar. Quyidagi savollar asosida mavzu mustahkamlanadi.

Rasmda nimalarni ko‘rayapsiz?

Bu qaysi bozor ekan?

Yulduz kim bilan qoldi?

Yulduz buvisi bilan nima tayyorlamoqchi?

Bozorga kim boradigan bo‘ldi?

Yulduzning buvisi qanday maslahat berdi?

Yulduz bozordan nimalar olishi kerak?

Lug‘at bilan ishlash. “Xotira mashqi” o‘yini. O‘quvchilarga darslikda berilgan lug‘atni o‘qish va eslab qolish vazifasi beriladi. O‘qituvchi o‘quvchilardan lug‘atni og‘zaki zanjir usulida o‘zbekcha va ruscha variantda aralashtirib so‘raydi va o‘quvchilarning so‘zlarni eslab qolish darajasini aniqlaydi.