Sotsial geografiya jumaxanov Sh., Toshpo’latov A

SOTSIAL VA MADANIY GEOGRAFIYA
 Darslik
 
 
62 
O’zbekiston hududida qadimdan ilm-u fan juda katta ahamiyat kasb etgan. 
Aholining ong va dunyoqarashi boshqa Osiyo mamlakatlarinikidan ijobiy tarzda 
farq qiladi. Xususan, 2700 yillik “Avesto”ning asosini Xorazmda shakllanishi, 
qolaversa Imom al-Buxoriy, Ibn Sino, Abu Rayhon Beruniy, al-Xorazmiy, 
Abdulholiq G’ijduvoniy, Burhoniddin Marg’iloniy, Mirzo Ulug’bek, Zahiriddin 
Muhammad Bobur kabi buyuk allomalarning, aynan, O’zbekiston hududida 
bo’lishi ham geografiylikka ega. Buni F.Ratselning insonga tabiiy muhit ta’sir 
etishi, V.Blashning ijtimoiy muhitning o’rni haqidagi nazariyalarini keltirish orqali 
ham ifodalash mumkin. 
Mamlakatda ta’limni izga solish uchun, avvalo, ta’lim jarayoninito’g’ri tashkil 
etish va tizimlashtirish lozim bo’ladi. 
1.
 
Maktabgacha ta’lim
. Uch yoshdan boshlanib, olti - yetti yoshgacha 
oila, bolalar bog’chasi va mulkchilik ko’rinishidan qat’iy nazar, boshqa xil ta’lim 
tashkilotlarida olib boriladi. Keyingi yillarda e’tibor kuchaytirilib, alohida vazirlik 
sifatida shakllantirildi. 
Xususiy bog’chalar faoliyatiga keng imkoniyatlar yaratilib, chet tillari va 
boshlang’ich bilimlarni chuqur o’rgatiladigan muassasaga aylantirilmoqda. 
21-rasm.
O’zbekistonda maktabgacha ta’lim muassasalarining sonini o’zgarish dinamikasi

---

SOTSIAL VA MADANIY GEOGRAFIYA
 Darslik
 
 
63 
 
2000-2009-yillar davomida maktabgacha ta’lim muassalarining soni 6000 
tadan ortiq bo’lib, asosan, qishloqlarda ko’proq bo’lgan. 2010-yildan keyin 
ularning moddiy holati yaxshilanib, bir-biriga yaqin maydaroq bog’chalardan 
kattaroqlarini rekonstruksiya qilgan holda, ayrimlari bir-biriga qo’shib yuborilgan 
hamda endi shahar joylaridagi maktabgacha ta’lim muassalarining faoliyati 
kuchaytirilgan. 2018-yilda mamlakatdagi maktabgacha ta’lim muassalarining soni 
6381 tani tashkil etib, shundan 3139 tasi shahar va 2881 tasi qishloq joylariga 
to’g’ri kelgan (21-rasm).