Sotisal psixologik trening guruhiy psixokorreksiya sifatida

БИРИНЧИ БОБ БЎЙИЧА ХУЛОСАЛАР
Ижтимоий психологияда социал психологик тренинг аҳамиятини ўрганишнинг илмий-назарий таҳлилига асосланган ҳолда қуйидаги хулосаларга келиш мумкин:
1. социал психологик тренинглар ижтимоий характерга эга бўлиб, гуруҳлар, шахслар ва жамоалар билан ўзаро муносабат доирасидагина амалга ошади ҳамда инсонларни жамоатчилик ва ҳамкорликка интилиш каби фундаментал база асосидагина қурилади.
2. Социал психологик тренингнинг таркибий компоненти икки хил ҳаракатрантирувчи кучи мавжуд. Улар: шахслараро муносабатларга эҳтиёж (симпатия, мулоқотдаги қўллаб-қувватлаш) ва рад этилишдан қўрқиш (мулоқот ўрнатилмаслиги ёки расмийлигича қолиши) ни қамраб олади.
3. Аксарият рус ва чет эл психологлари томонидан мулоқот ҳамда моуносабатлар динамикаси муаммоси психологик категория тариқасида талқин қилиниб, ушбу муаммоларга умумпсихологик, педагогик-психологик ҳамда қисман ижтимоий психологик нуқтаи назаридан ёндашилган. Бу ёндашувлар бизга гуруҳлараро муносабатларнинг ижтимоий психологик категория эканлиги ва гуруҳий жараёнлар ва фаолият доирасида айнан ижтимоий психологик ходиса эканлигини тасдиқлайди.
4. Назарий хулосалар ва мушоҳадалардан кўриниб турибдики, психология фанини турли соҳаларида мулоқот ва муносабатлар, муомала психологияси муаммоси ижтимоий фаолият, ижтимоий хулқ, муомала категориялари билан узвий тарзда талқин қилинган, унинг юзага келиши, кечиши, ривожланиши хусусиятлари ҳам шу йўналишда тадқиқот ишларида муайян натижалар билан ўрганилган. Унга ёндашувлар турли олимлар томонидан турли туман бўлишидан қатъий назар муайян даражада умумийлик мавжудлигини намойиш қилади ва жараёнларда ижтимоий психологик қонуният ётганлигидан дарак берди.
5. Назарий таҳлиллардан яна шу нарса аниқландики, социал психологик тренингларнинг самарли ўтишини таъминлайдиган белгилар, хусусиятлар ва уни ривожлантириш мезонлари айнан шахслараро муносабатлар тизимида кечади ва ривожланади.
6. Назарий жиҳатдан ўрганиб чиқилган тадқиқот ишларида шахсларни тренинг давомида тренинг таркибилаги қийин топшириқларни бажаришга ундовчи, стимулловчи куч муваффақиятга эришиш эмас, балки ижтимоий қўллаб-қувватлаш, яъни шахс ва гуруҳ муносабати доирасида мулоқот жараёнининг содир бўлиши бўлган.