Sos Bolalar mahallalari

SOS BOLALAR MAHALLASI

BAJARDI: RASULOVA FARIZA

TEKSHIRDI: SHEROV M.

Reja.

1.Butun dunyoda SOSlarnig tashkil etilishi.

2. “SOS O‘zbekiston Bolalar mahallasi” uyushmasining tashkil etilishi.

3. «SOS-Samarqand bolalar mahallasi»

• Foydalanilgan adabiyotar

SOS (SAVE OUR SOUL — «bizning qalbimizni qutqaring», «ijtimoiy himoya» ma’nolarini anglatadi) bolalar mahallalari bu — ota-ona g‘amxo‘rligidan erta judo bo‘lgan yoshlarni tarbiya qilishning oilaviy modelidir.

1949 yili Avstriyaning Imst shahrida German Gmayner tomonidan tashkil etilganiga guvoh bo‘lish mumkin. Bu inson o‘z umrini urush yillarida ota-onalaridan ajragan, yordamga muhtoj, turar joyi yo‘q bolalarga yordam berishga bag‘ishlashga qaror qiladi. U kamtarlik bilan «...biz hech qanday muhim ish qilmaymiz, bor-yo‘g‘i bolalarga boshqa tengdoshlarida bor narsani beramiz», — deb yozgandi

Shundan beri bu tashkilot dunyo bo‘ylab keng quloch yoyib, ayni paytda jahonning 132 mamlakatida mehr­ga muhtoj bolalarga beminnat yordam qo‘lini cho‘zib kelmoqda. Ta’bir joiz bo‘lsa, bolalarga bolalik quvonchini hadya etayotir.

. O‘zbekiston Respublikasi Vazirlar Mahkamasining 1997-yil 31-dekabrda qabul qilingan qaroriga muvofiq “SOS O‘zbekiston Bolalar mahallasi” uyushmasining tashkil etilgani barkamol avlodni tarbiyalash, bolalikdan ota-onalar qarovisiz qolgan bolalarni jismoniy, intellektual va ma’naviy kamolga yetkazish, huquq va manfaatlarini himoya qilish, ular uchun munosib turmush sharoitini yaratishga xizmat qilmoqda.

«O‘zbekiston SOS bolalar mahallalari uyushmasi» xayriya tashkiloti ham respublika hukumati hamda SOS Kinderdorf International xalqaro xayriya tashkiloti o‘rtasidagi kelishuvga asosan Vazirlar Mahkamasining 1997 yilgi qarori bilan tashkil etilgan. Uyushma faoliyatining asosiy yo‘nalishlari — ota-onasidan mahrum bo‘lgan bolalarga uzoq muddat davomida g‘amxo‘rlik ko‘rsatish, shuningdek, ota-ona g‘amxo‘rligini yo‘qotish xavfi ostida turgan bolalarga va ularning oilasiga yordam berishdan iborat.