Шунингдек, зарарланган автотранспорт воситасининг фотосурат ёки видеотасмалари.
8.4. Суғурталанган автотранспорт воситасини зарарланиши ёки йўқотилишини келтириб чиқарувчи Суғурта ҳодисаси рўй берганда, ҳодиса тафсилотлари ўрганилади.
8.5. Суғурталовчи томонидан тақдим қилинган ҳужжатлар асосида автотранспорт воситасига етказилган зарар миқдори аниқланади ва маълумотнома тузилади. Маълумотнома тузишда Суғурталовчи ҳодиса тафсилоти тўғрисида тегишли органлар (ДЙҲХХ, Ички ишлар органлари, Ёнғин хавфсизлиги хизмати, Гидрометеорология хизмати ва бошқалар)дан ҳодиса билан боғлик бўлган маълумотларни сўраб олишга, шунингдек содир этилган ҳодиса тафсилоти ва сабабларини холис аниқлаштиришга ҳақли
8.6. Тузилган маълумотномалар Суғурта ҳодисаси тан олинганлиги ёки тан олинмаганлигини билдирмайди ва маълумотномалар асосида Суғурта товони тўланмайди.
8.7. Суғурталовчи тақдим этилган ҳужжатларнинг тўғрилигини текшириши ва зарур ҳолларда, ҳодиса тафсилотига тегишли бўлган бошқа ҳужжатларни талаб қилиши мумкин.
8.8. Автотранспорт воситасига етказилган зарар миқдорини ва Суғурта ҳодисаси рўй берганлигини исботлаш Суғурта қилдирувчи ёки наф олувчи зиммасида бўлади.
8.9. Суғурта товони ҳақиқий етган зарар миқдорида, лекин шартномада белгиланган Суғурта пулидан ошмаган ҳолда белгиланади.
8.10. Суғурталовчи тақдим этилган хужжатларни ўрганиб чиқиб, Суғурта ҳодисаси рўй берганлиги ёки Суғурта ҳодисаси рўй бермаганлиги ҳақида қарор қабул қилади. Қарорда Суғурта товони миқдори белгиланади.
8.11. Суғурталовчининг суғурта товонини ёки суғурта пулини тўлашни рад этиш тўғрисидаги қарори Суғурта қилдирувчига (Наф олувчига) улар суғурта товонини ёки суғурта пулини тўлашни сўраб мурожаат этганларидан кейин 15 (ўн беш) кундан кечиктирмай хабар қилинади ва рад этиш сабабларининг асослантирилган далил-исботларини ўз ичига олади.
8.12. Суғурта товони суғурта ҳодисасини тан олиш далолатномаси имзоланган кундан бошлаб 5 (беш) банк иш куни ичида Наф олувчининг розилигига биноан Суғурта қилдирувчига ёки Наф олувчига тўлаб берилади. Суғурта ҳодисаси натижасида Суғурта қилдирувчи (жисмоний шахс бўлса) вафот этган тақдирда, Суғурта товони унинг ворисига шартномада белгиланган тартибда тўлаб берилади.
8.13. Суғурта товони Суғурта шартномасига асосан Суғурта қилдирувчининг ёки Наф олувчининг ҳисоб рақамига (жисмоний шахс бўлса, шахсий ҳисоб рақамига) пул ўтказиш йўли билан амалга оширилади.
8.14. Суғурта ҳодисаси рўй берганда, Суғурталанган автотранспорт воситасига етказилган зарар бошқа суғурталовчилар томонидан қопланган бўлса, Суғурта товони зарарни қопланмай қолган қисми учун тўлаб берилади.
8.15. Суғурта товонини аниқлашда қуйидаги ҳаражатлар инобатга олинмайди:
Суғурталанган автотранспорт воситасига техник хизмат кўрсатиш нархи;
Эскирганлиги, яроқсизлиги туфайли автотранспорт воситасини тиклаш ёки қайта жиҳозлаш, яъни, айрим қисмлари, деталлари ҳамда анжомларини таъмирлаш ёхуд алмаштириш билан боғлиқ ишлар нархи.
8.16. Мазкур шартномада суғурта пули суғурта қийматидан кам қилиб белгиланган бўлса, суғурталовчи суғурта ҳодисаси юз берганида суғурта қилдирувчига (наф олувчига) у кўрган зарарни суғурта пулининг суғурта қийматига бўлган нисбатига мутаносиб равишда қоплайди. (ЎзР.ФК.936-модда)
8.17. Автотранспорт воситаси тўлиқ йўқотилганда, Суғурталовчи Суғурта қилдирувчига ёки Наф олувчига суғурта товонини суғурталанган автотранспорт воситасининг суғурта пули миқдорида тўлайди.
8.18. Автотранспорт воситасини яхшилаш билан боғлиқ сарф-ҳаражатлар, Суғурта қилдирувчи томонидан зарарни баҳолатиш ишлари учун қилинган сарф-ҳаражатлар Суғурталовчи томонидан қопланмайди.
8.19. Автотранспорт воситасининг эскириш фоизи бўйича миқдори ва суғурта полисида келишилган франшиза миқдори ҳар бир суғурта ҳодисаси бўйича суғурта товони миқдоридан чегириб қолинади.
8.20. Суғурта ҳодисаси натижасида автотранспорт воситасига етказилган зарарнинг маълум қисми айбдор ёки бошқа шахслар томонидан қопланган бўлса, суғурталовчи томонидан тўлаб бериладиган суғурта товони зарарнинг қопланган қисми миқдорида камайтирилади.
