Сонли гаровга қЎйилаётган автотранспорт воситаларини суғурталаш намунавий шартномаси

18-003/01142 - СОНЛИ
ГАРОВГА ҚЎЙИЛАЁТГАН АВТОТРАНСПОРТ ВОСИТАЛАРИНИ
СУҒУРТАЛАШ НАМУНАВИЙ ШАРТНОМАСИ

20.09.2021 йил Охангарон ш.

Ўзбекистон Республикаси Молия вазирлигининг 2021 йил 23 февралдаги СФ 00013-сонли Лицензияси асосида асосида фаолиятни амалга оширадиган, кейинги ўринларда «Суғурталовчи» деб аталадиган «IMKON-SUG’URTA» масъулияти чекланган жамият шаклидаги cуғурта компанияси номидан Ишончнома асосида фаолият юритувчи Оҳангарон бўлими бошлиғи Ф.Т.Утбасова бир томондан, ва қуйида «Наф олувчи» деб аталувчи АТБ “Қишлоқ Қурилиш банк” Оҳангарон филиали номидан Бош ишончнома асосида фаолият юритувчи бошқарувчи З.Б.Имомов иккинчи томондан, қуйида “Суғурта қилдирувчи” деб аталувчи YaTT “YULDASHEVA MANZURA TURGUNALIYEVNA” номидан гувоҳнома асосида фаолият юритувчи М.Т.Юлдашева учинчи томондан «Гаровга қўювчи» фуқаро Т.Т.Рафиковлар қуйидагилар ҳақида туздилар:

1. ШАРТНОМА ПРЕДМЕТИ
Мазкур суғурта шартномасига мувофиқ бир тараф (Суғурталовчи) шартномада шартлашилган ҳақ (Суғурта мукофоти) эвазига шартномада назарда тутилган воқеа (Суғурта ҳодисаси) содир бўлганда бошқа тарафга (Суғурта қилдирувчига ёки шартнома қайси шахснинг фойдасига тузилган бўлса, ўша шахсга, наф олувчига) бу ҳодиса оқибатида суғурталанган автотранспорт воситасига етказилган зарарни шартномада белгиланган сумма (Суғурта пули) доирасида қоплаш (Суғурта товони тўлаш) мажбуриятини олади.
2. ШАРТНОМАДА ҚЎЛЛАНИЛАДИГАН АТАМАЛАР ВА УЛАРНИНГ ТАЪРИФИ:
Суғурталовчи – Суғурта шартномасига мувофиқ суғурта товонини тўлаш мажбуриятини зиммасига олувчи юридик шахс – «IMKON-SUG`URTA» МЧЖ СК;
Суғурта қилдирувчи – Суғурта шартномасига асосан ўз мулкий манфаатларини ёки учинчи томоннинг мулкий манфаатларини суғурталайдиган томон;
Наф олувчи – Суғурта қилдирувчи томонидан суғурта шартномаси бўйича суғурта тўловларини олиш учун белгиланган жисмоний ёки юридик шахс;