«soliqlar va soliqqa tortish» fakulteti

1. ISHSIZLIK TUSHUNCHASI UNING TURLARI VA ISHSIZLIK DARAJASI.
Mehnatga talab bilan uning taklifi mutanosib bo’lmaganda ishsizlik hodisasi paydo bo’ladi. Ishsizlik, umuman, ishlamaslik emas, balki ishlashga muhtoj bo’la turib, ish topa olmaslikdir. SHuningdek, mehnatga qobiliyati bo’la turib, ishlashga zarurat bo’lmaganidan ishlamay yurish ham ishsizlik emas, albatta. Shunga ko’ra, ishsizlikning rasmiy tushunchalari ham mavjuddir. O’zbekistonda ishsizlik tushunchasi rasman 1992 yil «Aholini ish bilan ta’minlash to’g’risida» O’zbekiston Respublikasi Qonunining qabul qilinishi bilan me’yoriy kuchga ega bo’ldi. Unga ko’ra, «16 yoshdan boshlab to pensiyaga chiqish huquqini olishga bo’lgan yoshdagi, ishga va ish haqiga (mehnat daromadi) ega bo’lmagan, haqiqatda ish qidirayotgan, mehnat qilishga kasb-kor tayyorgarligi va qayta tayyorgarlikdan o’tishga tayyor shaxs sifatida ish bilan ta’minlash davlat xizmatlarida ro’yxatga olingan vash u xizmatlar maqbul keladigan ishni taklif qilmagan, lekin mehnatga layoqatli shaxslar ishsizlar, deb e’tirof etiladi» Fuqaroni ishsiz shaxs,deb e’tirof etish uchun unda bir vaqtning o’zida quyidagi to’rt shart mavjud bo’lishi lozim:

Birinchi shart-fuqaro mehnatga qobiliyatli bo’li shva maldagi qonun hujjatlariga binoan, pensiya ta’minoti huquqiga ega bo’lmasligi kerak.

Ikkinchi shart-fuqaro ishga va ish haqi (mehnat daromadi)ga ega bo’lmasligi lozim. Agar fuqaro asosiy ishini yo’qotgan (masalan, shtatlar qisqarishi munosabati bilan bo’shatilgan), lekin o’rindoshlik asosida boshqa korxonada ishlayotgan bo’lsa, bunda u ish bilan band bo’lgan deb hisoblanadi. Binobarin, nafaqalar, alimentlar, qimmatli qog’ozlar bo’yicha olingan dividentlar, banklarga qo’yilgan mablag’larga hisoblagan fonzlar ish haqi (mehnat daromadi) ga kirmaydi. Xudi shunday pensiya va stipendiyalar ham ish haqi (mehnat daromadi) tarkibiga kirmaydi, lekin pensiya oluvchi fuqarolar ijtimoiy jihatdan himoyalanganliklari, ishlab chiqarishdan ajralgan holda stipendiya olib o’qiyotganlar esa mazkur qonunning 2-moddasiga asosan ish bilan ta’minlangan, deb hisoblanishlari sababli, bunday fuqarolar ishsiz shaxs, deb e’tirof etilmaydilar.