1-rasm. Soliq ma’murchiligining amalga oshirish usullari
7
Soliq ma’murchiligi esa davlat bilan soliq to’lovchilar o’rtasidagi soliq
munosabatlarini boshqaruvchi yoki boshqacha aytganda, davlatning soliq
siyosatining amalga oshirilishini ta’minlovchi va shunga xizmat qiluvchi asosiy
vosita bo’lib, u soliq siyosatining asosiy yo’nalishlarini o’zida aks ettiradi.
7
F.Mirzaev va boshqalar/ “Soliq ma’murchiligi” o’quv qo’llanmasi/ 2014 yil ma’lumotlari asosida Muallif
tomonidan tayyorlandi
9
Ya’ni, davlat soliq ma’murchiligi orqali soliq tizimi va soliq organlarining
faoliyatini muvofiqlashtirib turadi. Bu holat xususan bozor iqtisodiyoti sharoitida
yanada oydinlashib, alohida ahamiyat kasb etib boradi.
Xorijiy manbaalarda soliq ma’murchiligiga turlicha ta’riflar keltirilgan. Bu
borada ayrim tadqiqotchilar soliq ma’murchiligini soliq idoralarining kundalik
faoliyati deb qarashsa, ba’zilari byudjet tushumlarini ta’minlashda soliq
xizmatining nazorat funksiyasi deb qaraydilar yoki boshqa tadqiqotchilar soliq
boshqaruvi bilan bog‘liq munosabatlar ham deb hisoblaydilar.
Ba’zi davlatlarda soliq ma’murchiligi soliq munosabatlarining davlat
boshqaruvi tizimining ajralmas elementi deb qaraladi.
Ko’pchilik davlatlarda soliq ma’murchiligi, bu soliq idorasi o’zining ayrim
avtonom funksiyalarini amalga oshirishni saqlagan holda moliya vazirligi
faoliyatining asosiy qismi hisoblanadi. Jumladan, Amerika qo’shma shtatlari va
Buyuk britaniyada ushbu apparatlar Ichki daromadlar xizmati (IDX) deb yuritilsa,
Fransiyada Bosh soliq boshqarmasi, Germaniyada esa Federal soliq boshqaruvi,
yer va boshqalarning soliq boshqarmalari bo’lib tashkil topgan.
Rossiyada “soliq ma’murchiligi” termini va soliq munosabatlari nazariyasi
hamda metodologiyasi bozor iqtisodiyotiga o’tish davri bilan birga aniqrog‘i sobiq
ittifoq parchalangandan keyin kirib kelgan.
Rossiyada birinchilardan bo’lib, aniqrog‘i 1997 yilda iqtisodchi olim
M.T.Ospanov o’zining “Soliq islohotlari va soliq munosabatlari garmonizatsiyasi”
nomli ilmiy ishida soliq ma’murchiligining mohiyati haqida fikr yuritib, “Soliq
ma’murchiligi deyilganda, davlat va soliq qonunchiligida belgilangan vakolati va
mansab vazifalaridan kelib chiqib amalga oshiriladigan soliq boshqaruvi”
8
tushuniladi deb ta’kidlaydi.
Bizning fikrimizcha M.T.Ospanovning ushbu fikrlarida soliq ma’murchiligi
tor doirada faqat davlat tomonidan belgilab berilgan vakolat va mansab
7
Ospanov M. Nalogi i nalogooblojenie: Uchebnik.-7-e. izd., pererab. i dop..- Izdatelsko-torgovaya korporatsiya
«Dashkov i Ko», -M.: 1997g.- 314 s.
10
vazifalarida belgilangan holatlar bo’yicha boshqaruv soliq ma’murchiligi deb
tushinilmoqda.
Iqtisodchi olima G.YA.Chuxinina esa, “soliq ma’murchiligi mohiyatini juda
tor doirada, ya’ni soliq nazorati sub’ektlari faoliyatini samarali amalga oshirish va
tashkil etish” dab hisoblaydi.
Rossiyalik iqtisodchi olimlarning fikrlarini tahlil qilib shuni qayd etish
mumkinki, ularda hozirgacha soliq ma’murchiligi tushunchasini bir xil fikrlash
mavjud emas. Ularda ko’proq soliq organlarining soliq to’lovchi yuridik va
jismoniy shaxslar ustidan soliq qonunchiligiga rioya etilishi bo’yicha amalga
oshriladigan faoliyatlari deb qaralgan. Ya’ni mazmunan soliq nazorati
tushunchasiga moslashtiriladi.
Ba’zi bir iqtisodchi olimlar soliq ma’murchiligini bu minimal miqdorlardagi
xarajatlar hisobidan maksimal hajmda barcha soliqlarni to’liq va o’z vaqtida
to’lashga qaratilgan kompleks tadbirlar deb tushunadilar.
Jumladan, iqtisodchi olima T.A.Slesareva “soliq ma’murchiligi – bu soliq
munosabatlarida qatnashuvchilar o’rtasidagi boshqaruv jarayoni bo’lib, soliq
organlarining byudjet tizimidagi turli darajadagi byudjetlar o’rtasidagi
majburiyatlarni bajarishda soliqlarni yig‘ish va ular ustidan nazoratni amalga
oshirish doirasida yuzaga keladigan jarayon”
9
deb tushuntiradi va soliq
ma’murchiligini konkretlashtirish uchun uni “keng” va “tor” ma’noda aniqlashtirib
olishni taklif etadi.
Soliq ma’murchiligini keng ma’noda aniqlashda, uni turli darajadagi
ma’muriy boshqaruvlar tizimining soliq sohasidagi soliq boshqaruvi tizimi deb
qarab, federal va hududiy darajada soliq munosabatlarida qat’iy majburiy
ma’murchilik choralarni belgilovchi markaziy boshqaruvni amalga oshiruvchi
soliq tizimi deb qaraydi. Majburiy ma’murchilik tarkibi deyilganda, ijtimoiy-
iqtisodiy va soliqning fiskal funksiyalari soliqlarni rejalashtirish, soliqlar tushumini
va nazoratini tartibga solish, soliq solish jarayonlarini boshqarishda xorijiy
malakatlar tajribalaridan foydalanish tushunilishini;
8
Slesareva T. Uproshennaya sistema Nalogooblojeniya: Uchebnik -M.: ENVD 2007g.-112-s
11
soliq ma’murchiligiga tor ma’noda aniqlashdaesa barcha soliq
munosabatlarida qatnashuvchilarni soliq qonunchiligi bajarilishini ta’minlashda
soliq organlarining bevosita faoliyati tushunilishini taklif etadi.
O.A.Mironova va F.F.Xanafeevlarning 2005 yilda Moskvada "OMEGA-L"
nashriyotida nashrdan chiqqan va "Nalogovoe administrirovanie" deb nomlangan
darslikda "Soliq ma’murchiligi - bu bozor iqtisodiyoti sharoitida soliq organlari
faoliyatini muvofiqlashtiradigan, soliq munosabatlarini boshqarishning dinamik
rivojlanayotgan tizimi"
10
deb ta’riflaydilar va unda soliq ma’murchiligining
mohiyatini ifodalovchi quyidagi ikki jihatga alohida e’tibor qaratadilar:
Birinchidan, soliq ma’murchiligining mohiyati, eng avvalo, soliq
organlarining faoliyatini muvofiqlashtiruvchi tizim sifatida talqin qilinadi;
Ikkinchidan, soliq ma’murchiligining mohiyati soliq munosabatlarini
boshqarish tizimi orqali ifodalanishi qayd etiladi.
Bizning nazarimizda, yuqorida qayd etilgan iqtisodchi olimarimiz, xususan
O.A.Mironova va F.F.Xanafeevlarning soliq ma’murchiligiga bergan ta’riflaridagi
"bozor iqtisodiyoti sharoitida” va "dinamik rivojlanayotgan" kabi iboralar soliq
ma’murchiligining mohiyatini ochib berishda, ma’lum darajada ahamiyatga ega
bo’lsa-da, ularni mohiyatni ifodalashning hal qiluvchi belgilari sifatida talqin
etishda unchalik maqsadga ega emas.
Lekin, umumiy jihatdan olib qaralganda, yuqoridagi mualliflar tomonidan
soliq ma’murchiligiga berilgan ta’riflar o’zining qisqaligi va ma’lum darajada,
aniqligi bilan ajralib turishini e’tirof etish joiz. Bu berilgan ta’rifning yutug‘i
sifatida ko’rsatilishga arziydi. Shu bilan birgalikda, bizning fikrimizcha, ular
tomonidan soliq ma’murchiligiga berilgan ta’riflarda soliq ma’murchiligining
mazmun-mohiyati etarli darajada to’liq ochib berilmaganga o’xshaydi. Buning
asosiy sababi shundaki, qayd etilgan mualliflarning ta’rifida soliq
ma’murchiligining mohiyatini ochib berishga xizmat qiluvchi asosiy holatlarning
hammasi ham inobatga olinmagan.
9
Mironova O.A., Xanafsev F.F./ Nalogovoe administrirovanie. Uchebnik. – M./«OMGA-L». 2005. str:33.
12
Shuning uchun ham bu ta’riflarni soliq ma’murchiligining mohiyatini to’liq
ifodalovchi ta’rif deb atashga asoslar yetarli emas.
Soliq ma’murchiligining mazmuni va mohiyatini ilmiy jihatdan ifodalashda
O’zbekistonlik iqtisodchi olimlarimiz ham bir qator fikrlar bildirganlar. Jumladan,
iqtisodchi olimimiz F.Mirzaev “Soliq ma’murchiligining zamonaviy usullari”
nomli o’quv qo’llanmasida “Soliq huquqining qoidalariga tayangan holda soliq
siyosatini amalga oshirishga xizmat qiladigan, soliq organlarining faoliyatini
muvofiqlashtirib turish orqali soliq munosabatlarini boshqarish tizimiga soliq
ma’murchiligi deyiladi”
11
deb fikr bildirganlar.
Bizning fikrimizcha, mazkur ta’rif soliq ma’murchiligining mazmun-
mohiyatini yanada to’laroq ifodalagan va unda quyidagi ikki holatga ko’proq
e’tibor berilgan. Bular; birinchidan, soliq ma’murchiliginiig soliq huquqining
qoidalariga tayanishi bo’lsa, ikkinchidan, uning soliq siyosatini amalga oshirishga
xizmat qilishidir.
Lekin, bu ta’rif ham soliq ma’murchiligining mukammallashgan va barcha
me’zonlarga to’liq javob beradigan ta’rif deb bo’lmaydi.
Shu sababli, soliq ma’murchiligining mazmun-mohiyatini ifodalovchi ta’rif
ushbu ma’murchilik jarayonida e’tiborga olinishi kerak bo’lgan quyidagi holatlarni
hisobga olishi zarur.
Har qanday davlatning faoliyat yuritish tizimida soliqlar bajaradigan
funksiyalaridan kelib chiqib, soliq ma’murchiligi tizimini o’rganib chiqish lozim,
bu tizimga davlat bilan soliq to’lovchilar o’rtasida soliq munosabatlari baraqaror
rivojlanib borayotgan tizim deb qarash lozim va bu tizimning mavjud bo’lishi
jamiyat tomonidan yaratilgan milliy daromadni taqsimlash va qayta taqsimlashda
ob’ektiv zaruriyat bo’lib hisoblanadi.
Demak, biz soliq ma’murchiligini bir tizim deb qaraydigan bo’lsak, bu
tizimning maqsadi, ushbu tizimni harakatga keltiruvchi, boshqaruvchi va doimiy
takomillashtirib turuvchi maqsad strategiyasi hamda uning iqtisodiy unsurlari
hisoblangan sub’ektlar, ob’ektlar va tizimning predmetlari ham bo’lishi lozim.
10
F.Mirzaev va boshqalar/ “Soliq ma’murchiligi” o’quv qo’llanmasi/ 2014 yil/17-bet
13
Shunday ekan, bizning fikrimizcha, soliq ma’murchiligining asosiy maqsadi
mamlakat iqtisodiyotining barqaror rivojlanishini ta’minlashda eng minimal
xarajatlar hisobiga soliqlarning fiskal va taqsimlash funksiyalarini optimal
munosabatlariga erishishdan iborat bo’lishi zarur.
Ushbu maqsadga makro darajada erishish asosida, soliq siyosatining har
tomonlama pishiq va istiqbolli soliq strategiyasini ishlab chiqish masalalari hal
qilinadi hamda soliq ma’murchiligining oldiga quyidagi vazifalar qo’yiladi.
-soliqqa tortishning makroiqtisodiy jarayonlarini tahlil qilish va uning
istiqbolli rivojlantirish bashoratlarini ishlab chiqish;
-bashorat ko’rsatkichlari bilan makrodarajadagi ko’rsatkichlarning haqiqiy
ahamiyati o’rtasidagi farqlarni baholash va ushbu farqlarning kelib chiqish
sabablarini aniqlash;
-konseptual va ilmiy asoslangan soliq ma’murchiligini ishlab chiqish.
Mamlakat
iqtisodiyotining
barqarorligini
ta’minlashda
soliq
ma’murchiligining mikrodarajadagi maqsadi, soliq qonunchiligi me’yorlariga
muvofiq, soliq tizimi ko’rsatkichlari asosida davlat va soliq to’lovchilarning
minimal xarajatlari bilan soliq tushumlarining nazoratini ta’minlash va bunda soliq
ma’murchiligining oldiga quyidagi vazifalarqo’yiladi:
-qabul qilingan soliq qonunchiligi me’yorlarini amaliyotga joriy etish;
-soliq organlarining kunlik faoliyatini soliqlar va yig‘imlarni to’plashga
mobilizatsiya qilish;
-soliq organlari faoliyati samadorligini oshirish uchun tashkiliy tadbirlarni
ishlab chiqish va uni amalga oshirish.
Har qanday boshqaruv tizimida bo’lgani kabi soliq ma’murchiligi tizimida
ham boshqaruvning asosiy elementlari boshqaruv sub’ektlari - tegishli huquq va
majburiyatlarga ega bo’lgan tashkiliy-huquqiy asosda tashkil etilgan ma’muriy
organlar hamda boshqaruv ob’ekti - bu zimmasiga soliq qonunchiligi asosida
soliqlarni hisoblash to’lash majburiyati yuklatilgan soliq to’lovchilar faoliyat
yuritadi.
14
Soliq ma’murchiligining predmetibo’lib esa, boshqaruv ob’ekti bilan sub’ekti
o’rtasidagi soliq munosabatlari hisoblanadi.
Soliq ma’murchiligi soliq munosabatlarining boshqaruv tizimi sifatida o’z
tarkibiga soliqlarni rejalashtirish, soliqlar hisobi va hisobotlari, soliq nazorati va
soliq ishini tartibga solish kabi funksiyalarni birlashtiradi hamda ushbu
funksiyalar soliq munosabatlarini tartibga soluvchi iqtisodiy instrument bo’lgan
soliq mexanizmining funksional tarkibini tashkil etadi.
Soliq ma’murchiligining asosiy funksiyalaridan biri bo’lgan soliqlarni
rejalashtirish bu byudjet daromadlarini shakllantirishni ta’minlash maqsadida,
soliq va majburiy to’lovlarni undirish hajmlarini aniqlash bilan birga soliq yukini
optimallashtirishdan iborat.
Soliq ma’murchiligining soliqlar hisobi va hisobotlari funksiyalari hududning
soliq potensialini baholash va boshqaruv qarorlarini qabul qilish maqsadida, soliq
majburiyatlarini to’g‘ri hisoblash uchun zarur bo’lgan soliq to’lovchilar bo’yicha
ma’lumotlarni yig‘ish va qayta ishlash, to’lovlarni o’z vaqtida tushushini nazorat
qilish,
soliq
hisoboti
ko’rinishidagi
analitik
hisobot
ko’rsatkichlarini
shakllantirishni o’z ichiga oladi.
Soliqlar hisobi soliq munosabatlari ishtirokchilarining manfaatlari uchun
xizmat qilib, soliqqa tortish jarayonlarini boshqarishning muhim vositasi
hisoblanadi va soliqlar hisobi va hisobotlari asosida soliq ma’murchiligi tizimining
barcha elementlari amal qiladi.
Soliq ma’murchiligi funksiyalari tizimida soliq nazorati - soliq to’lashdan
qochish holatlariga qarshi kurashuvchi tizim bo’lib, davlat byudjetiga
daromadlarni barqaror tushishini ta’minlashni asosiy maqsad qiladi. Aynan soliq
nazorati hisobiga yuridik va jismoniy shaxslar tomonidan soliqlarning o’z vaqtida
va to’liq tushishi ta’minlanadi.
Soliq nazoratining sub’ektlari bo’lib, soliq to’lovchilar hamda zimmasiga
soliqlar va blshqa yig‘imlarni undirish majburiyati yuklatilgan davlat soliq va
bojxona organlari shuningdek, mazkur vazifani amalga oshriuvchi boshqa idoralar
kiradi.
15
Soliq ma’murchiligining yuqorida qayd etilgan funksiyalaridan xulosa qilib
shuni ta’kidlash joizki, davlatning soliq ma’murchiligi tizimi birinchi navbatda
soliq siyosatini shakllantirishni va istiqbolli prognozlashtirishni, soliqqa tortish
shart-sharoitlarini yanada yaxshilash vazifalarini hal etishi kerak, xulosa qilib
aytganda, soliq ma’murchiligining bosh tarkibiy qismi soliq tizimini boshqaruvi
hisoblanishiga amin bo’ldik.
Ushbu boshqaruv tizimi, soliqlar strukturasini optimalashtirish, soliqlar hisobi
va hisoboti, ularni undirish mexanizmlarini takomillashtirish, soliqlarni to’g‘ri
hisoblanishini, soliqlarni to’liq va o’z vaqtida to’lanishini, soliq to’lovchilar va
davlat soliq xizmati organlarining huquq va majburiyatlarini bajarishlarini soliq
qonunuchiligiga rioya etilishini, barcha toifadagi byudjetlar o’rtasida tushgan soliq
tushumlarini taqsimlanishini tartibga solishi bilan birga, soliq ma’murchiligi
samaradorligini oshirish yuzasidan takliflar ishlab chiqish, soliqqa tortish
jarayonida barcha ishtirokchilar o’rtasida soliq munisabatlarining o’sishini
ta’minlash kabi kompleks tadbirlarni o’z ichiga oladi.
Demak, soliq ma’murchiligi tushunchasini keng ma’noda, soliq siyosatini
aniqlashda va soliqqa tortish tizimini optimal shakllantirish, uni amalga oshirish
uchun zarur normativ-huquqiy bazani yaratish, joriy etilgan soliqlarning
amaliyotda ishlash mexanizmini shakllantirish va samaradorligini oshirishga
qaratilgan davlatning tegishli vakolatli organlari tomonidan kompleks tarzda olib
boriladigan chora-tadbirlar yig‘indisi deb tushunsak maqsadga muvofiq deb
hisoblaymiz.
Do'stlaringiz bilan baham: |