Sohibqiron yodimizda

16- o‘quvchi: 
— Bobomiz Amir Temur saroyida 7 yil yashagan mashhur tarixchi Ibn Arabshoh bobomizning surat 
va siyratlarini shunday tasvirlaydi: «Temur baland bo‘yli, tik qomatli, keng peshonali, bag‘oyat kuchli, oq-qizil 
yuzli, keng yelkali, qaddi-qomati kelishgan, sersoqol, qat’iy azm-u qaror bilan so‘zlaydigan haqgo‘y kishi edi…..». 
17- o‘quvchi: 
— Muhtaram Prezidentimiz Islom Karimov ana shu manbaga asoslanib, bobomiz portretlarini 
yaratishni taklif etdilar va bu ishni O‘zbekiston xalq rassomi Malik Nabiyev zo‘r mahorat bilan uddalay oldi. 
18- o‘quvchi:
— Yurtboshimizning yana bir tashabbuslari bilan 1996- yil «Amir Temur yili» deya nomlanib, 
sohibqiron bobomiz shon-shavkatlariga, u kishi qoldirgan ma’naviy-madaniy meros, uni asrab-avaylash, kelajak 
avlodlarga ham yetkazib berishga alohida e’tibor qaratildi va «Amir Temur» ordeni ta’sis etildi. 
Bobomizning haykallari Samarqand, Toshkent, Shahrisabz shaharlarida savlat to‘kib turganligi — u zotga bo‘lgan 
cheksiz hurmat va ehtiromimiz belgisidir. 
19- o‘quvchi:
— Amir Temurning uzuk — muhrlaridagi «Kuch — adolatda» deya bitilgan yozuv biz avlodlar 
qalbida ham mangu muhrlanajak va hayot yo‘limizda dasturilamal bo‘lib xizmat qilgusidir. 
1- boshlovchi:
«Vatan yagonasan» 

---

To jahon bor ekan, hamisha bor bo‘l, 
Temurning yurtisan, doim tojdor bo‘l! 
Poyingga baxshida jonimga yor bo‘l, 
Vatan, yagonasan dilimda doim. 
2- boshlovchi: 
— Bizlar, darhaqiqat, dunyolarni o‘z ilm-u salohiyati, ma’rifat va madaniyati, iymon-e’tiqodi, mehr-
u muhabbati, yuksak ma’naviyati bilan hayratlantira olgan millat farzandlarimiz. Biz buyuk bobolarimiz bilan 
faxrlanamiz hamda ularga munosib vorislar bo‘lish, ularning ibratli ishlarini davom ettirish, ona yurtimiz ravnaqi va 
nurli kelajagi uchun mas’ulmiz. Muhtaram Yurtboshimiz ta’kidlaganlaridek, 
Hamma birgalikda:
«Buyuk bobolarimizning ulug‘ niyatlari va ishlarini davom ettirishga burchlimiz!»