Sohibqiron yodimizda

5- o‘quvchi: 
— Bu bilan ziroatchilik, hunarmandchilik, savdo-sotiq va madaniyat rivojiga mustahkam zamin 
yaratdi. 
6- o‘quvchi: 
— Bugun, «Temur va temuriylar davlati», «Temuriylar madaniyati», «Ulug‘bek va Samarqand
astronomiya maktabi», «Bobur», «Boburiylar saltanati» kabi qutlug‘ so‘zlarni nafaqat o‘zbekning, balki butun 
dunyo xalqlarining tarix sahifalarida uchratar ekanmiz, shuni unutmaslik kerakki, ular zamirida Amir Temurning 
ulkan xizmatlari bor. 
7- o‘quvchi:
— Bobomiz Amir Temur qator xalq va yurtlarga mustamlakachilar zulmidan ozod bo‘lishda yordam 
berdi. O‘sha davrning eng qudratli podshosi Yildirim Boyazidni (1389–1402) tor-mor keltirib, Ovro‘po xalqlarini 
tutqunlikdan xalos etdi. 
8- o‘quvchi: 
— Oltin O‘rda xoni To‘xtamishni (1376—1395) mahv etib, Rossiyaning mo‘g‘ullar hukmronligidan 
qutulishini qariyb 300 yilga tezlashtirdi. 
9- o‘quvchi: 
— Bobomiz Turkiston zaminini ziroatchilik, hunarmandchilik, ilm-fan va madaniyat rivojlangan ilg‘or 
mamalakatga aylantirdi. 
10- o‘quvchi: 
— Amir Temur sa’y-harakati bilan obod etilgan shaharlar, kasabalar, qishloqlarni, Samarqand, 
Shahrisabz, Yassi (Turkiston) singari shaharlarda qad ko‘targan imoratlarni aytmaysizmi? 
Ular hozir yurtimiz ko‘rkiga ko‘rk qo‘shib, ulug‘vorlik va matonat ramzi bo‘lib viqor to‘kib turibdi. 
(Tadbirning «Lirik chekinish» qismida Amir Temur haqidagi o‘quvchilar yod olgan she’rlar o‘qiladi). 

---

1- boshlovchi:
«Amir Temur» Muhammad Yusuf she’ri. 
Samarqandda qoldi Bibixon, 
Yo‘llar qarab toldi Bibixon. 
O‘zbek seni o‘zbek qilguncha, 
Qirq yil otdan tushmadi sulton. 
Maqtov-manzil malomatlarga, 
Shohni riyo yetaklar jarga. 
Qayrilmadi xushomadlarga, 
Yolg‘onlarga uchmadi sulton. 
Garchi imo qilsa-qilmayin, 
O‘ttiz o‘lka jilovda tayin. 
цBir qultum ham manmanlik mayin, 
Tatimadi, ichmadi sulton.