Sobitjon Inog’omov tibbiyot qurilmalarida

8.3-rasm.
Xolter kuzatishlari yozilgan kassetalarning umumiy ko’rinishi. 
Quyida siz bilan magnit-rezonans tamografiyasi qurilmasining standart 
talablari darajasida to’g’ri ishlashi va xatolik qiymatlarini o’lchash vositasining 
aniqlik klasslariga mos kelishini hamda yuqorida ko’rib chiqilgan tibbiyotda 

---

109 
qo’llanilayotgan zamonaviy magnit-rezonans tamografiyasi qurilmalarini tuzilishi 
va ishlash prinsipi va ularni qiyoslash ma’lumotlari bilan tanishamiz. 
 
Xolter qurilmasining
tuzilishi, ishlash printsipi va qo’llash 
Xolter qurilmasi – yurak ish faoliyatini hamda arterial bosimni sutka 
davomida o’garishini nazorat qilish uchu ishlatiladigan qurilma hisoblanadi. Xolter 
qurilmasi yordamida monitoring qilish – bu yurakning elektrokardiogrammasini 
ma’lum bir davr davomida (1 sutka, 2 sutka yoki 7 sutka bo’lishi mumkin va 
xokazo) kuzatish va olingan natijalar asosida bemorga diagnoz qo’yish iborat. 
Xolter qurilmasi yordamida monitoring o’tkazish uchun maxsus o’rnatilgan 
elektrodlar yordamida elektrokardiogramma olinadi va shu bilan birga qo’lga 
o’ralgan manjet orqali arterial bosim kuzatib boriladi (8.4-rasm). 
Xolter qurilmasi sodda tuzilishga ega bo’lgan, ixcham, engil qurilma bo’lib, 
uning umumiy og’irligi 300 grammni tashkil qiladi. Xolter qurilmasi maxsus 
poyaslar- kamarlar yordamida bemor tanasiga osib qo’yiladi. Ko’krak qismining 
aniq, belgilangan nuqtalariga bemor badanini spirtli eritma bilan yog’sizlantirib 
Xolter qurilmasining elektrodlari o’rnatiladi. Xolter qurilmasi yordamida 
elektrokardiogramma yozuvi bir nechta kanallar yordamida olib boriladi (2 ta 
kanaldan 12 ta kanalgacha). Lekin hozirgi vaqtda eng ko’p tarqalgan va 
qo’llaniladigan Xolter qurilmalari 2 ta yoki 3 ta yozish kanaliga ega. Odatda Xolter 
qurilmasi yordamida monitoring o’tkazilganda, ko’proq va to’liq ma’lumot olish 
maqsadida birinchi marta bemorga 12 kanalli qurilma qo’yiladi, qayta nazorat 
qilinganda esa 3 kanalli qurilmadan foydalaniladi. 

---

110 
8.4-rasm. Xolter qurilmasi yordamida sutkalik 
monitoring olib boorish. 
Xolter qurilmasi yordamida bemorni tekshirish vaqtida unning har bir 
soatdagi faoliyatini kuzatib boorish, uyqu vaqtida, dori preparatlarini istemol qilish 
vaqtida hamda bemorning xissiyotlari, shikoyatlari va har xil xolatlarini yozib 
boorish uchun unga kundalik daftar beriladi. Vrach tomonidan bemorning normal 
xolatda va aktivlanishlardan keyin olingan natijalarni solishtirish maqsadida fizik 
aktivlikni oshirish taklif qilinadi: odatdagidan tezroq yurish, zina bo’ylab 
ko’tarilishlar va xokazolar. Qolgan vaqtlarda bemor odatiy hayot tarzini davom 
ettiradi va belgilangan vaqt tugagandan keyin bemor qurilmani echish maqsadida 
vrachning oldiga boradi. Olingan monitoring natijalari komp’ter programmasi 
yordamida taxlil qilinadi va qilingan taxlil asosida bemorga diagnoz qo’yiladi.