Sobitjon Inog’omov tibbiyot qurilmalarida

 
Quyida
 
magnitni-rezonans tamografiyasi qurilmalarini yuqorida keltirib 
o’tilgan har bir elementlari nima funksiyani bajarishi to’g’risida ma’lumot 
beramiz. 
Magnit qismi
- magnitni-rezonans tamografiyasi qurilmasida turg’un 
xolatdagi bi tekis magnit maydonini hosil qilish uchun mo’ljallangan bo’lib, 
kuchlanganlikni ta’sir etuvchi qiymati bilan harakterlanadi. Magnitni-rezonans 
tamografiyasi qurilmasining quvvati hosil qilinayotgan magnit maydoniga bog’liq 
bo’ladi. Magnitni-rezonans tamografiyasi qurilmasining tashxis qo’yish bo’yicha 
sifat ko’rsatkichi uning quvvatiga bog’liq bo’ladi. 
Magnitni-rezonans tamografiyasi qurilmalari 4 gurugga bo’linadi: 
- past darajali – magnit maydon quvvati 0,5 Tl dan kichik bo’lgan qurilmalar; 
- o’rta darajali - magnit maydon quvvati 0,5 – 1 Tl oralig’ida bo’lgan; 
- yuqori darajali - magnit maydon quvvati 1,0 – 2,0 Tl oralig’ida bo’lgan va u 
yuqori tezlikda tekshiruv o’tkazish xususiyatiga ega; 
O’ta yuqori darajali - magnit maydon quvvati 2 Tl dan yuqori quvvatga ega 
bo’lgan va istisno bo’lgan xolatlarda qo’llaniladi. 
Magnitni-rezonans tamografiyasi qurilmalarida har xil magnit maydonini 
hosil qiluvchi moslamalardan foydalaniladi: 
Doimiy magnit – bunday magnit maydonini hosil qiluvchilar ferromagnit 
xossalarga ega bo’lgan qotishmalardan ishlab chiqariladi. Bunday magnit 
maydonini hosil qiluvchi elementlarning afzallik tomonlaridan biri bir jinsli ushlab 
turish uchun hech qanday ortiqcha energiya sarflanmaydi.
O’ta o’tkazuvchan magnit – alohida xossaga ega bo’lgan qotishmadan 
yasalgan g’altak bo’lib, bu g’altakdan juda kata toklar oqib o’tadi. Bunday 
g’altaklar yordamida juda kata quvvatga ega bo’lgan magnit maydoni hosil qilish 
mumkin. Bunday magnit g’altaklari o’ta kuchli magnit maydonini hosil qilgani 
uchun ular qattiq qiziydi. Ularni sovitish uchun maxsus sovigichlardan 
foydalaniladi. 

---

99 
Rezistiv magnit - bunday magnit maydonini hosil qiluvchilari esa murakkab 
tekshiruvlarni o’tkazish uchun bir jinsli magnit maydoni hosil qilib beradi va 
unday magnit maydonini hosil qiluvchilar uchun maxsus sovitgich sistemalari 
zarur emas. Noqulay tomoni shundan iboratki, bunday magnit maydonini hosil 
qiluvchilarini massasi juda kata bo’lib, taxminan besh tonnani tashkil qiladi. 
Uzatuvchi moslama – radiochastota to’lqinlarini va impulslarini ishlab 
chiqarish uchun mo’ljallangan bo’lib, uni yordamida yadro qo’zg’atib beriladi 
natijada magnitni-rezonans tamografiyasi qurilmasi ekranidagi tasvirni aniqlik 
darajasi ortadi. 
Qabul qiluvchi moslama – bu kuchaytirgich bo’lib, u signallarni o’ta yuqori 
chastotada shovqinsiz, yuqori sezgirlikda kuchaytirib beradi. Uning chastotasi 
yuqori chastotadan past chastotaga o’zgaradi, ya’ni, MGts chastotadan KGts 
chastotagacha. 
Magnitni-rezonans tamografiyasining afzallik tomonlari: 
- tekshirilayotgan odam organizmini o’rganishda eng aniq ma’lumot olish va 
diagnostic tekshiruv usuli; 
- bu usul bo’yicha olinayotgan ma’lumotlarning sifat ko’rsatkichi yildan-
yilga oshib bormoqda; 
- bu usulni odam organizmiga salbiy tomonlari yo’q; 
- Magnitni-rezonans tamografiyasi qurilmasining quvvati qanchalik yuqori 
bo’lsa shunchalik aniq va to’g’ri natija olish mumkin. 
Magnitni-rezonans tamografiyasi yordamida tekshiruv o’tkazish odam 
organizmi uchun hechqanday salbiy ta’sirga ega bo’lmagan yuqori aniqlikdagi 
natija va ma’lumot olish usuli hisoblanadi. Bu usulni qo’llagan xolda odam 
organizminig barcha organlari bo’yicha, ya’ni, bosh miya, orqa miya, umurtqa 
pog’onasi, ichi organlar, nafas olish organlari va o’mrov qismi bo’yicha yuqori 
aniqlikdagi ma’lumotlarni olish mumkin.